پاکستان نے عراقی وزیر اعظم مصطفیٰ الکاظمی کی رہائش گاہ پر دہشت گردی کی مذمت کی ہے۔

ترجمان دفترخارجہ عاصم افتخار احمد نے اپنے ایک بیان میں کہا کہ پاکستان بغداد میں عراقی وزیر اعظم کی رہائش گاہ پر بزدلانہ دہشت گردی کی شدید مذمت کرتا ہے۔

انہوں نے کہا کہ آج ہونے والے اس دہشت گرد حملے میں متعدد افراد زخمی ہوئے ، باعث اطمینان  ہے کہ عراق کے وزیراعظم مصطفی الخادمی محفوظ ہیں۔

ترجمان دفترخارجہ نے کہا کہ پاکستان برادر عراقی حکومت اور عوام سے بھرپور اظہار یکجہتی کرتا ہے۔

 عاصم افتخار احمد کا کہنا تھا کہ ہم زخمیوں سے دلی ہمدردی کا اظہار کرتے ہیں، زخمیوں کی جلد صحتیابی کے لئے دعا گو ہیں۔

ترجمان دفترخارجہ عاصم افتخار احمد کا مزید کہنا تھا کہ اس طرح کی متشدد سرگرمیوں کی توجیہ پیش نہیں کی جا سکتی، ہم دشت گردی کی تمام اشکال اور انداز کی بھرپور مذمت کےعزم کی تجدید کرتے ہیں۔

اس سے قبل عراقی فوج کی جانب سے جاری کردہ بیان کے مطابق عراق کے وزیر اعظم مصطفیٰ الکاظمی کو بغداد میں ان کی رہائش گاہ پر دھماکہ خیز مواد سے بھرے ڈرون کے حملے کے بعد ’’قاتلانہ حملے کی ناکام کوشش‘‘ میں نشانہ بنایا گیا۔

اس واقعے کے بعد عراق کے وزیر اعظم مصطفیٰ الکاظمی نے ٹویٹر پر ایک ٹویٹ کے ذریعے قوم کو اپنی خیریت کی اطلاع دی۔ انہوں نے کہا کہ ’’میں ٹھیک ہوں، الحمد للہ، اپنے لوگوں کے درمیان، اور میں عراق کی خاطر سب سے پرسکون اور تحمل کا مطالبہ کرتا ہوں۔‘‘

كنت ومازلت مشروع فداء للعراق وشعب العراق، صواريخ الغدر لن تثبط عزيمة المؤمنين، ولن تهتز شعرة في ثبات وإصرار قواتنا الأمنية البطلة على حفظ أمن الناس وإحقاق الحق ووضع القانون في نصابه.
أنا بخير والحمد لله، وسط شعبي، وأدعو إلى التهدئة وضبط النفس من الجميع، من أجل العراق.

Advertisement

— Mustafa Al-Kadhimi مصطفى الكاظمي (@MAKadhimi) November 7, 2021

عراقی وزیر اعظم نے مزید کہا کہ’’غداروں کے میزائل مومنین کے عزم اور حوصلوں کو پسپا نہیں کرسکتے۔ لوگوں کی سلامتی، انصاف کے حصول اور قانون کے نفاذ کے لیے ہماری بہادر سیکورٹی فورسز کی استقامت اور اصرار پر کوئی آنچ نہیں آنے دی جائے گی۔‘‘