پاکستان اسٹاک ایکسچینج میں کاروباری ہفتے کے پہلے روز انڈیکس میں مثبت رجحان ریکارڈ کیا گیا ہے۔

تفصیلات کے مطابق پاکستان اسٹاک ایکسچینج میں کاروباری ہفتے کے پہلے روز کاروبار کے اختتام پر 100 انڈیکس میں 761 پوائنٹس کا اضافہ ہوا۔

کاروبار کے اختتام پر انڈیکس 46 ہزار 946 کی سطح پر بند ہوا ہے۔

دوسری جانب انٹر بینک میں ڈالر کی قیمت میں کاروباری ہفتے کے پہلے روز کمی ریکارڈ کی گئی ہے۔

Advertisement

Interbank closing #ExchangeRate for today:https://t.co/HofAD5M2o6 pic.twitter.com/HuEQk9Ad4l

— SBP (@StateBank_Pak) November 1, 2021

اسٹیٹ بینک آف پاکستان کی جانب سے جاری کردہ اعداد و شمار کے مطابق انٹربینک میں ڈالر کی قدر میں 0.36 پیسے کی کمی ریکارڈ کی گئی ہے۔

فاریکس ڈیلرز کے مطابق انٹربینک میں ڈالر 171.65 سے کم ہو کر 171.29  روپے  پر بند ہوا ہے۔

علاوہ ازیں پاکستان بھر میں کاروباری ہفتے کے پہلے روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 500 روپے اضافے کے بعد 1 لاکھ 17 ہزار 800 ہوگئی ہے جبکہ 10 گرام سونے کی قیمت 429 روپے اضافے کے بعد 1 لاکھ 995 روپے ہوگئی ہے۔

قیمتوں میں اضافے کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں  سونے کی فی تولہ قیمت 500 روپے اضافے کے بعد 1 لاکھ 17 ہزار 800 ہوگئی ہے جبکہ 10 گرام  سونے کی قیمت 429 روپے اضافے کے بعد 1 لاکھ 995 روپے ہوگئی ہے۔

ایسوسی ایشن کے مطابق عالمی مارکیٹ میں 01 ڈالر کے اضافے سے فی اونس سونا 1784 پر آگیا ہے۔