حکومت نے ق لیگ کا اعتراض دور کردیا

Naveed abbas

22nd Nov, 2021. 02:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت نے ق لیگ کا اعتراض دور کردیا

الیکشن کمیشن ممبران کی تعیناتی کمیٹی کی ممبرشپ پر حکومت نے ق لیگ کا اعتراض دورکردیا ہے۔

وفاقی وزیرمحمد اعظم سواتی نے اپنی کمیٹی ممبرشپ ق لیگ کے سینیٹر کامل علی آغا کو دے دی۔

وفاقی وزیرمحمد اعظم سواتی اور ق لیگ سینیٹر کامل علی آغا نے پارلیمنٹ کے باہر میڈیا سے گفتگو کی۔

وفاقی وزیراعظم سواتی نے کہا کہ میری جگہ کامل علی آغا پارلیمانی کمیٹی برائے الیکشن کمیشن ممبران کی تقرری کے ممبر ہوں گے۔

ان کا کہنا تھا کہ اتحادیوں کے بغیر ہماری مخلوط حکومت نہیں چل سکتی۔ پارلیمنٹ کے مشترکہ اجلاس میں اتحادیوں کی کارکردگی 100 فیصد تھی۔

سینیٹرکامل علی آغا نے کہا کہ اس سے قبل کمیٹی کا ممبر بنایا گیا تو لیڈر شپ نے مشاورت شروع کی۔ پارلیمانی کمیٹی سے میرا نام نکالا گیا تو لیڈر شپ کی جانب سے پوچھا گیا کہ کیوں نام نکالا؟

انھوں نے کہا کہ ہم نے پی ٹی آئی کے ساتھ باہمی مشاورت کے ساتھ مل کر چلنا ہے۔ الیکشن کمیشن نے ممبران کی تعیناتی پر قیادت کا جو فیصلہ ہوگا ہم اس پرعمل کریں گے۔

واضح رہے کہ حکومتی اتحادی سینیٹرکامل علی آغا نے سینیٹ فلور پر کمیٹی سے نام نکالے جانے پراعتراض کیاتھا۔