ملکی معیشت کو پامال کرنے والے آج ملک اور جمہوریت کا جھوٹا رونا رو رہے ہیں، شہباز گِل

اسفا سروت

04th Nov, 2021. 12:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملکی معیشت کو پامال کرنے والے آج ملک اور جمہوریت کا جھوٹا رونا رو رہے ہیں، شہباز گِل

شہباز گِل کا کہنا ہے کہ ملکی معیشت اور تشخص کو پامال کرنے والے آج ملک اور جمہوریت کا جھوٹا رونا رو رہے ہیں۔

وزیراعظم کے معاون خصوصی برائے سیاسی ابلاغ ڈاکٹر شہباز گِل نے شہباز شریف کے بیان پر ردعمل دیتے ہوئے کہا کہ معیشت ڈبونے والے آج معیشت پر مگرمچھ کے آنسو بہا رہے ہیں، عوام جانتی ہے کہ مہنگی ایل این جی کے پیچھے کس کے معاہدے ہیں۔

انہوں نے کہا کہ دنیا بھر میں بے لگام مہنگائی کے باوجود پاکستان میں اشیائے خورد ونوش اب بھی سستی ہیں، قانون شکن ہمیں قانون سکھانا بند کریں۔

شہباز گِل نے کہا کہ کورونا کے دوران دنیا کی معیشتیں تباہ ہوئیں مگر پاکستانی معیشت مستحکم ہوئی، ملکی معیشت اور تشخص کو پامال کرنے والے آج ملک اور جمہوریت کا جھوٹا رونا رو رہے ہیں۔

وزیراعظم کے معاون خصوصی کا کہنا ہے کہ نااہلوں نے 5 سال میں صفر فیصد برآمدات اضافہ کیا، ماضی میں معیشت کو برآمدات بڑھانے کے بجائے آئی ایم ایف کے قرضوں پر چلایا جاتا رہا۔

انہوں نے مزید کہا کہ نااہل لیگ نے ڈالر کو مصنوعی طور مستحکم کرنے کیلئے فارن ایکسچینج ریسروو خالی کردیا، عمران خان نے بند کارخانے چلائے اور ایکسپورٹ بڑھائی ہیں۔