نسلہ ٹاورمسمار کرنے سے متعلق کیس میں سپریم کورٹ نے کمشنر کراچی کی رپورٹ مسترد کردی۔

سپریم کورٹ نے نسلہ ٹاورکیس کا تحریری حکم نامہ جاری کرتے ہوئے نسلا ٹاور کو فوری مسمار کرکے ملبہ صاف کرنے کا حکم دی دیا۔

تفصیلات کے مطابق سپریم کورٹ نے کہا کہ کمشنرکراچی نے تاحال عدالتی حکم پرعمل درآمد نہیں کیا۔ فوری عمل درآمد نہ ہوا تو کمشنر کے خلاف کارروائی ہوگی۔

سپریم کورٹ نے تجوری ہائٹس کا اسٹرکچر فوری مسمار کرکے 26 نومبر کو رپورٹ پیش کرنے کا حکم بھی دیا۔

سپریم کورٹ نے سول ایوی ایشن کی زمین سے فوری قبضہ ختم کرانے اور سول ایوی ایشن اتھارٹی کو ایک ہفتے میں کلب بند کرکے رپورٹ پیش کر نے کا حکم بھی دیا۔

واضح رہے کہ آج صبح سپریم کورٹ رجسٹری میں کمشنر کراچی نے نسلہ ٹاور، تجوری ہائٹس گرانے سے متعلق رپورٹس جمع کرائی تھی۔

کمشنر کراچی کا کہنا تھا کہ عدالتی فیصلے پرمن وعن عمل شروع کردیا ہے۔ نسلہ ٹاور کو تیزی سے گرانے کا کام جاری ہے۔ نسلہ ٹاور کب مسمار ہوگا حتمی وقت نہیں دے سکتا۔ نسلہ ٹاورکو مینول طریقے سے مشینری اور لیبر کے ذریعے مسمار کریں گے۔

گذشتہ روز سپریم کورٹ رجسٹری میں کیس کی سماعت کے دوران چیف جسٹس آف پاکستان نے کمشنر کراچی کو حکم دیا تھا کہ ابھی ساری مشینری کراچی سے لے کرجائیں اورگرانا شروع کردیں۔