سعودی حکومت نے مسجد نبویﷺ میں فرض نماز کے لیے اجازت نامے کی شرط ختم کردی ہے۔
عرب ویب سائیٹ کے مطابق سعودی وزارت حج و عمرہ نے مسجد نبوی ﷺ میں نماز کی ادائیگی کے لیے نئے قواعد و ضوابط کا اعلان کردیا ہے۔
نئی شرائط کے مطابق مسجد نبوی ﷺ میں وہ افراد داخل ہوسکیں گے جنہوں نے کورونا سے بچاؤ کی 2 خوراکیں لگوائی ہوں یا کورونا سے مکمل صحتیاب ہوگئے ہوں، اس کے علاوہ کورونا کی ایک خوراک لگوانے کے بعد 14 روز کا قرنطینہ مکمل کرنے والے افراد بھی مسجد نبویﷺ میں داخل ہوسکیں گے۔
سعودی وزارت حج و عمرہ نے مزید کہا ہے کہ اب مسجد نبوی ﷺ میں کسی بھی شخص کو فرض نمازوں کی ادائیگی کے لیے وقت لینے کی ضرورت نہیں ہو گی، روضہ رسول ﷺ کی زیارت کے لیے “اعتمرنا” ایپ کے ذریعے اجازت لینا لازمی ہوگا۔
واضح رہے کہ کورونا وبا کے بعد سعودی حکام نے عمرہ کی ادائیگی اور خانہ کعبہ و مسجد نبوی ﷺ میں نماز کی ادائیگی کے لئے خصوصی اجازت کا حصول لازمی قرار دیا تھا ، اس مقصد کے لیے “اعتمرنا” ایپ کا استعمال کیا جاتا ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
