ویسٹ انڈیز ویمن کرکٹ ٹیم کے میچز کے دوران نیشنل اسٹیڈیم کیلئے SSU کا سیکیورٹی پلان

محمد سلطان

01st Nov, 2021. 09:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ویسٹ انڈیز ویمن کرکٹ ٹیم کے میچز کے دوران نیشنل اسٹیڈیم کیلئے SSU کا سیکیورٹی پلان

کراچی پولیس نے ویسٹ انڈیز ویمن کرکٹ ٹیم کے دورہ پاکستان کے دوران نیشنل اسٹیڈیم میں ہونے والے میچز کے سلسلے میں مربوط سیکیورٹی پلان مرتب کیا ہے۔

کراچی پولیس کے اسپیشل سیکیورٹی یونٹ ایس ایس یو کے ترجمان کے مطابق سیکیورٹی پلان کے سلسلے میں ایس ایس یو ہیڈ کوارٹرز میں اہم اجلاس ڈی آئی جی سیکیورٹی اینڈ ایمرجنسی سروسز ڈویژن مقصود احمد کی سربراہی میں منعقد ہوا جس میں پولیس، آرمی، سندھ رینجرز اور پاکستان کرکٹ بورڈ کے سینئر افسران اور تمام اسٹیک ہولڈرز نے شرکت کی۔

اجلاس کے شرکاء کو میچز کے دوران حفاظتی انتظامات سے آگاہ کیا گیا۔

ترجمان کے مطابق ایس ایس یو کے 368 کمانڈوز سمیت سیکیورٹی ڈویژن کے500 اہلکار حفاظتی ڈیوٹی کے فرائض انجام دیں گے جبکہ ایس ایس یو کی لیڈی کمانڈوز بھی سیکیورٹی فرائض پر مامور ہوں گی۔

اسپیشلائزڈ کمانڈ اینڈ کنٹرول بسیں نیشنل اسٹیڈیم کے اطراف امن و امان کی صورتحال کی نگرانی کرنے کے لیے عملے سمیت موجود ہوں گی۔

ایس ایس ایس یو کی “سواٹ” ٹیم بھی کسی بھی ہنگامی صورتحال سے نمٹنے کے لیے ایس ایس یو ہیڈ کوارٹرز میں الرٹ رہے گی۔