سعودی عرب میں پاکستانیوں کے براہ راست داخلے کی اجازت ملنے پر پی آئی اے کی چاندی

زبیر منصوری

29th Nov, 2021. 11:10 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب میں پاکستانیوں کے براہ راست داخلے کی اجازت ملنے پر پی آئی اے کی چاندی

سعودی حکومت کی جانب سے یکم دسمبر سے پاکستانیوں کو براہ راست داخلے کی اجازت ملنے کے بعد قومی ایئر لائن پی آئی اے کی چاندی ہوگئی ہے۔

سعودی عرب نے پاکستان سے آنے والے مسافروں کو یکم دسمبر 2021 سے براہ راست داخلے کی اجازت دے دی گئی ہے، جس کے بعد پاکستان ایئر لائن نے ملک کے مختلف شہروں سے ہفتے میں مجموعی طور پر سعودی عرب کے لیے 35 پروازیں چلانے کا اعلان کیا تھا، لیکن صورت حال یہ ہے کہ قومی ایئر لائن کی یکم دسمبر سے 12 دسمبر تک سعودی عرب کے لیے اڑان بھرنے والی تمام پروازوں کے ٹکٹس فروخت ہوگئے ہیں اور اب پی آئی اے نے سعودی حکام سے پروازوں میں اضافے کی درخواست کر دی ہے۔

اس حوالے سے پی آئی اے کے ترجمان نے عرب ویب سائیٹ کو بتایا کہ یکم دسمبر سے 12 دسمبر تک چلنے والی تقریباً 60 پروازوں سے 9 ہزار مسافروں کو پاکستان سے سعودی عرب لے جایا جائے گا۔ اس کے علاوہ اس دورانیے میں مزید 10 سے 15 پروازیں چلانے کی درخواست کی گئی ہے تاکہ دیگر مسافروں کو بھی بروقت سعودی عرب پہنچایا جاسکے۔

فضائی ایئر لائنز کی صنعت سے وابستہ ماہرین کا کہنا ہے کہ سعودی عرب کی جانب سے پاکستانیوں کو ملنے والی اس اجازت سے جہاں پی آئی اے کو کروروں روپے کا منافع ملے گا وہیں دیگر نجی ایئر لائنز کو بھی مالی لحاظ سے کافی فائدہ ہوگا۔