وزیراعظم عمران خان کے معاون خصوصی ڈاکٹر شہباز گل نے مسلم لیگ (ن) کے قائد سے منسوب ایک متنازع آڈیو شئیر کرتے ہوئے لکھا، ‘اللہ الحق ہے نواز شریف کی ویڈیو بھی مارکیٹ میں آگئی۔’

نواز شریف سے منسوب آڈیو میں یہ کہتے ہوئے سنا جاسکتا ہے کہ ملک میں انتشار پھیل رہا ہے، نواز شریف سے پوچھو جس نے پاکستان کو دنیا میں تماشہ بنا کر رکھ دیا ہے۔ میری بھی آف شور کمپنی موجود تھی، وہ پیسہ کہاں سے آیا؟ نواز شریف تم دوسروں پر تہمتیں لگاتے ہو، نواز شریف تم سب سے کرپٹ آدمی ہو۔ عمران کیخلاف ایک روپے کی کرپشن کا کوئی ثبوت ملا؟

مبینہ آڈیو میں مزید کہا گیا کہ برٹش ورجن آئی لینڈ نے بھی کہہ دیا کہ نواز شریف نے کرپشن کی ہے۔  ہم ہر معاملے میں کرپٹ ہیں۔ میں آپ سے وعدہ کرتا ہوں کہ اگر آپ مجھے مینڈیٹ دیں گے تو میں گھر گھر میں چوکھٹ چوکھٹ پر کرپشن لے کر آؤنگا۔

https://t.co/iqDkXXbK44

Advertisement

— Dr. Shahbaz GiLL (@SHABAZGIL) November 21, 2021

قبل ازیں سابق چیف جسٹس ثاقب نثار کی مبینہ آڈیو لیک کے حوالے سے وزیراعظم عمران خان کے معاون خصوصی ڈاکٹر شہباز گل نے اپنے ٹوئٹ میں لکھا کہ ‘اب جسٹس ثاقب نثار صاحب کی وہ تقاریر سامنے آگئی ہیں جن میں سے الفاظ نکال کر یہ آ ڈیو تیار کی گئی۔’

شہباز گل نے لکھا تھا کہ ‘اس کے بعد اس آڈیو کا حال بھی وہی ہونا ہے جو قطری خط اور بیان حلفی کا ہو چکا۔ کوئی شک نہیں جھوٹ کی کوئی زندگی نہیں ہوتی۔’

— Dr. Shahbaz GiLL (@SHABAZGIL) November 22, 2021

Advertisement

خیال رہے کہ جسٹس ریٹائرڈ ثاقب نثار کا مبینہ آڈیو ٹیپ سامنے آیا تھا جس میں وہ کہہ رہے ہیں کہ عمران خان کی جگہ بنانے کیلئے نواز شریف کو سزا دینی ہو گی، مریم نواز کو بھی سزا دینی ہو گی۔

مبینہ آڈیو ٹیپ میں وہ کہہ رہے ہیں کہ اگرچہ مریم نواز کے خلاف کوئی کیس نہیں۔

علاوہ ازیں سابق چیف جسٹس ثاقب نثار اپنے ایک بیان میں مذکورہ آڈیو کلپ تردید کرچکے ہیں۔

اس حوالے سے جسٹس ریٹائرڈ ثاقب نثار کا کہنا تھا کہ میں نے بھی ابھی آڈیو سنی ہے یہ ایک فیبرکیٹڈ آڈیو ہے۔  مارکیٹ میں اس طرح کی چیزیں میرے خلاف لائی جا رہی ہیں۔

 سابق چیف جسٹس نے کہا کہ اللہ دیکھ رہا ہے میرے خلاف ایک منظم کمپین چلائی جارہی ہے۔

ان کا کہنا تھا کہ میرا کوئی قانونی چارہ جوئی کا ارادہ نہیں۔