پاک آسٹریلیا ون ڈے سیریز، شاہین آسٹریلیا کو کلین سوئپ کرنے کے لیے پر عزم
بنگلا دیش کے خلاف دوسرے ٹی 20 میچ میں مین آف دی میچ فخر زمان نے کہا ہے کہ ایسا لگتا ہے جیسے پاکستان میں ہی کرکٹ کھیل رہے ہیں۔
بنگلا دیش کے خلاف ٹی 20 میچ کے بعد میڈیا سے بات کرتے ہوئے فخر زمان نے کہا کہ بنگلا دیش کی پچز اور کنڈیشنز پاکستان اور متحدہ عرب امارات سے مختلف ہوتی ہیں، ان پچز پر اننگز کے آغاز میں بیٹنگ آسان نہیں ہوتی، بنگلا دیش کے بولرز اپنی کنڈیشنز سے بخوبی واقف ہیں، انہیں ان پچز پر بہترین بولنگ کرنے کا گر آتا ہے.
فخر زمان کا کہنا تھا کہ جب بیٹنگ کے لیے آیا تو محمد رضوان نے یہی کہا کہ کچھ دیر وکٹ پر ٹھہر گئے تو رنز بنانے آسان ہوجائیں گے۔ پاکستان کرکٹ ٹیم کی مستقل اچھی کارکردگی کا سہرا بابر اعظم کے سر جاتا ہے، بحیثیت کپتان بابر اعظم بیٹنگ اور فیلڈنگ میں جو معیار مقرر کررہے ہیں ان پر پورا اترنے کے لیے ہر کھلاڑی سخت محنت کرتا ہے۔
بنگلا دیش میں شائقین کے جذبے کو سراہتے ہوئے فخر زمان نے کہا کہ بنگلا دیش میں شائقین کا جوش و خروش قابل دید ہے، یوں لگتا ہے جیسے پاکستان میں کرکٹ کھیل رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
