توہپنِ عدالت کیس میں جنگ گروپ کے ایڈیٹر انچیف میرشکیل الرحمان نے شوکاز نوٹس کا جواب جمع کرا دیا۔

تفصیلات کے مطابق سابق چیف جج گلگت بلتستان رانا شمیم کے بیان حلفی کی خبر شائع کرنے پر توہین عدالت کیس میں جنگ گروپ کے ایڈیٹر انچیف میرشکیل الرحمان نے شوکاز نوٹس کا جواب جمع کرا دیا۔

دی نیوز کے ایڈیٹر انوسٹی گیشن انصارعباسی اور ایڈیٹرعامرغوری نے بھی جواب داخل کرادیے۔ توہینِ عدالت کے شوکاز نوٹسز کے جواب اسلام آباد ہائی کورٹ میں جمع کرائے گئے۔

گلگت بلتستان کی سپریم اپیلٹ کورٹ کے سابق چیف جج رانا شمیم کا جواب داخل نہیں ہو سکا۔

واضح رہے کہ ایک صحافی کی شائع خبر کے مطابق گلگت بلتستان کے سابق چیف جسٹس رانا ایم شمیم نے حلف نامہ جمع کرایا ہے کہ چیف جسٹس پاکستان ثاقب نثار نے ہائی کورٹ کے ایک جج کو حکم دیا تھا کہ 2018ء کے عام انتخابات سے قبل نواز شریف اورمریم نواز کو ضمانت پر رہا نہ کیا جائے۔

رانا شمیم کے اوتھ کمشنر کے روبرو 10 نومبر 2021ء کو دیے گئے بیانِ حلفی میں کہا گیا کہ نواز شریف اور مریم نواز شریف عام انتخابات کےانعقاد تک جیل میں رہنے چاہئیں۔

اسلام آباد ہائیکورٹ نے ازخود نوٹس لیتے ہوئےسابق چیف جسٹس گلگت بلتستان رانا شمیم کے بیان حلفی کی خبر پر توہینِ عدالت کیس میں اہم پیش رفت سامنے آئی۔

اسلام آباد ہائیکورٹ نے گذشتہ ایک سماعت میں سابق جج جی بی رانا شمیم، اخبارکےمالک میر شکیل الرحمان، ایڈیٹر عامرغوری اورانصارعباسی کو طلب کر کے تحریری شوکاز نوٹس جاری کیے تھے۔