سابق وزیر اعظم نواز شریف کی لاہور میں واقع جائیداد کی 19 نومبر کو ہونے والی نیلامی روک دی گئی۔

تفصیلات کے مطابق سابق وزیراعظم نواز شریف کی جائیدادوں کی نیلامی پر ریونیو جج نے نیلامی روکنے سے متعلق حکم امتناع جاری کردیا ، اےسی رائیونڈعدنان رشید اور اے سی کینٹ کو نیلامی نہ کرانے کا حکم جاری کیا گیا ہے۔

نواز شریف کی جائیدادوں کی نیلامی روک دی گئی
15 دسمبر تک نواز شریف کی جائیدادوں کو نیلام نہ کیا جائے، محکمہ ریونیو#BOLNews #BreakingNews #NawazSharif #PMLN #Pakistan pic.twitter.com/OJKP0oRnS5

Advertisement

— BOLNetwork (@BOLNETWORK) November 16, 2021

ذرائع کے مطابق ن لیگ کے ایم پی اے مرزا جاوید نے ڈی سی کو حکم امتناع جمع کرا دیا ہے، جس میں 15دسمبر تک نواز شریف کے گھروں کی نیلامی کو روکا گیا ہے۔

واضح رہے کہ بورڈ آف ریونیو (ایف بی آر) پنجاب نے سابق نوازشریف کی پراپرٹی فروخت کیلئے رہائش گاہ جاتی امرا پر نوٹس آویزاں کردیئے تھے ، جس میں کہا تھا کہ زرعی اراضی کی نیلامی 19نومبر کو کی جائے گی‌۔

بورڈ آف ریونیو نے نیب لاہور اور نیب راولپنڈی کے افسران کو آکشن میں شامل ہونے کی درخواست کی تھی۔

یاد رہے ستمبر مین ایون فیلڈاپارٹمنٹس کیس میں 8 ملین پاؤنڈبرآمدگی کیلئے کارروائی کا آغاز کیا تھا ، نواز شریف پر عائد جرمانے کی رقم ایک ارب 85 کروڑ روپے کے لگ بھگ ہے۔

خیال رہے کہ سابق وزیراعظم نواز شریف ان دنوں لندن میں موجود ہیں جہاں ان کا علاج جاری ہے۔