آئی سی سی مینز ٹی ٹوئنٹی ورلڈ کپ کے دوسرے سیمی فائنل میں آسٹریلیا کے ہاتھوں شکست کے بعد کپتان بابر اعظم کے والد اعظم صدیقی نے اپنے بیٹے اور دیگر کھلاڑیوں سے ملاقات کی۔
تفصیلات کے مطابق قومی کرکٹ ٹیم کے کپتان کے والد اعظم صدیقی نے اپنے انسٹاگرام اکاؤنٹ پر اپنے بیٹے بابر اعظم کے ہمراہ اپنی تصویر شیئر کی، اُنہوں نے اپنی پوسٹ کے کیپشن میں لکھا کہ کچھ وقت ملنے پر کھانے سے فراغت پر بابر سے بات چیت ہوئی۔
Advertisement
اُنہوں نے کہا کہ میں نے بابر اور پوری ٹیم کو آگے کے لیےحوصلے اور اعتماد سے کھیلنے کی تاکید کی۔
کپتان کے والد نے لکھا کہ میں نے بابر اعظم سمیت پوری کرکٹ ٹیم کو شاباشی دی اور یقین دلایا کہ ہم فخر سے سر اُٹھا کر وطن واپس جارہے ہیں۔
آخر میں بابر اعظم کے والد نے قومی کرکٹ ٹیم کے لیے دُعائیہ کلمات بھی لکھے۔
واضح رہے کہ قومی ٹی ٹوئنٹی اسکواڈ دبئی سے بنگلا دیش پہنچ گیا ہے، قومی اسکواڈ بنگلا دیش میں ایک روزہ آئیسولیشن کے بعد ٹریننگ کا آغاز کرے گا۔
واضح رہے کہ پاکستان اور بنگلہ دیش کے مابین ٹی ٹوئنٹی سیریز کا پہلا میچ 19 نومبر کو ڈھاکہ میں کھیلا جائے گا ۔
Advertisement
پاکستان کے دورہ بنگلہ دیش میں تین ٹی ٹوئنٹی انٹرنیشنل اور دو ٹیسٹ میچز شامل ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
