پاکستان، افریقہ کے ساتھ تجارتی و اقتصادی تعلقات کو بہتر بنا رہا ہے، مشیر تجارت

ویب ڈیسک

25th Nov, 2021. 07:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان، افریقہ کے ساتھ تجارتی و اقتصادی تعلقات کو بہتر بنا رہا ہے، مشیر تجارت

مشیر تجارت عبدالرزاق داؤد نے کہا ہے کہ براعظم افریقہ میں تجارت کے بہترین مواقع موجود ہیں، پاکستان افریقہ کے ساتھ تجارتی و اقتصادی تعلقات کو بہتر بنا رہا ہے۔

وزارت تجارت کے جاری اعلامیے کے مطابق پاکستان افریقہ ٹریڈ ڈیولپمنٹ کانفرنس اور سنگل کنٹری نمائش منقعد ہوئی، اس موقع پر منعقدہ تقریب سے مشیر تجارت عبدالرزاق داؤد نے خطاب بھی کیا۔

جاری اعلامیے کے مطابق مشیر تجارت عبدالرزاق داؤد نے کہا کہ پاکستان کی افریقہ کو برآمدات کا حجم 3 ارب ڈالر تک ہے، اگلے پانچ سالوں میں برآمدات کو دگنا کریں گے۔

انہوں نے مزید کہا کہ رواں مالی سال کے پہلے 4 ماہ میں افریقہ کو پاکستانی برآمدات میں 21 فیصد اضافہ ہوا۔

ان کا کہنا تھا کہ براعظم افریقہ میں تجارت کے بہترین مواقع موجود ہیں، پاکستان افریقہ کے ساتھ تجارتی و اقتصادی تعلقات کو بہتر بنا رہا ہے۔

مشیر تجارت کا کہنا تھا کہ وزیر اعظم عمران خان نے اقتدار سنبھالتے ہی علاقائی روابط بڑھانے کی ہدایات دیں تھیں، کینیا میں پہلی کانفرنس کے نتائج کورونا وبا کی وجہ سے حاصل نہیں کئے جاسکے۔

عبدالرزاق داؤد کا کہنا تھا کہ افریقی ممالک کا مکمل تجزیہ کرتے ہوئے لک افریقہ پالیسی بنائی گئی۔