بھارتی کرکٹ بورڈ کے چیئرمین اور سابق بھارتی کرکٹر سارو گنگولی کو آئی سی سی مینز کرکٹ کمیٹی کا سربراہ مقرر کر دیا گیا ہے۔
رپورٹس کے مطابق بورڈ آف کنٹرول فار کرکٹ ان انڈیا(بی سی سی آئی) کے صدر سارو گنگولی، انٹرنیشنل کرکٹ کونسل کی کرکٹ کمیٹی کے چیئرمین کا عہدہ سنبھالیں گے،اس سے قبل یہ ذمے داری انیل کمبلے کے پاس تھی۔
انیل کمبلے کو 2012 میں یہ ذمہ داری سونپی گئی تھی، جب انہوں نے ویسٹ انڈیز سے کلائیو لائیڈ کی جگہ لی تھی،کمبلے کو آئی سی سی نے2016 میں ایک اور مدت کے لیے دوبارہ تعینات کیاتھا۔
انیل کمبلے کو مارچ 2019 میں اپنی تیسری اور آخری تین سالہ مدت کے لیے دوبارہ منتخب کیا گیا تھا۔
نو سال کی مدت تک کرکٹ کمیٹی کے چیئرمین رہنے کے بعد اب گنگولی ان کی جگہ لیں گے،گنگولی کو ایک مبصر سے چیئرمین بنا کر ترقی دی گئی ہے۔
Advertisement
واضح رہے کہ آئی سی سی کرکٹ کمیٹی کے کام میں کھیل کے قواعد و ضوابط کا خیال رکھنا شامل ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
