پاکستان بھر میں کاروباری ہفتے کے دوسرے  روز سونے کی قیمت میں کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 1350 روپے کمی کے بعد 1 لاکھ 24 ہزار 850 روپے ہوگئی ہے جبکہ 10 گرام سونے کی قیمت 1157 روپے کمی کے بعد 1 لاکھ 7 ہزار 39 روپے ہوگئی ہے۔

قیمتوں میں کمی کے نتیجے میں کراچی، حیدرآباد، لاہور، اسلام آباد اور پشاور کی صرافہ مارکیٹوں میں سونے کی فی تولہ قیمت 1350 روپے کمی کے بعد 1 لاکھ 24 ہزار 850 روپے ہوگئی ہے جبکہ 10 گرام سونے کی قیمت 1157 روپے کمی کے بعد 1 لاکھ 7 ہزار 39 روپے ہوگئی ہے۔

ایسوسی ایشن کے مطابق عالمی صرافہ مارکیٹ میں سونا 11ڈالرز کی کمی سے 1874 فی اونس کی سطح پر آگیا جبکہ فی تولہ چاندی  کی قیمت 1480 پر مستحکم رہی۔

یاد رہے گزشتہ روز پاکستان بھر میں سونے کی قیمت میں کمی ریکارڈ کی گئی تھی۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 1900 روپے کمی کے بعد 1 لاکھ 26 ہزار 200 روپے ہوگئی تھی جبکہ 10 گرام سونے کی قیمت 629 روپے کمی کے بعد 1 لاکھ 8 ہزار 196 روپے ہوگئی تھی۔

ایسوسی ایشن کے مطابق عالمی صرافہ مارکیٹ میں سونا 3 ڈالرز کی کمی سے 1863 فی اونس کی سطح پر آگیا۔