زیادہ تھکن ہو تو  بڑے بزرگ نیم گرم پانی میں پیر ڈالنے کا مشورہ دیتے ہیں اور جن لوگوں نے یہ طریقہ آزمایا ہے وہ جانتے ہیں کہ اس سے تھکن کا احساس کتنا کم ہوجاتا ہے اس ہی طرح جاپان میں بیماریوں کا علاج انگلیوں کی مدد سے بھی ممکن ہوتا ہے۔

جاپان کے قدیم علم جن شن جیوتسو کے مطابق ہمارے ہاتھ اور پیروں کی نسیں بھی کسی نہ کسی طرح جسم کے اعضاء سے جڑی ہوتی ہیں ،اس لئے ہاتھ کے مخصوص حصوں پر دباؤ ڈالنے سے کچھ مسائل کم کیے جاسکتے ہیں۔

سب سے پہلے بات کریں انگلیوں کی پوروں کی تو ان پر ہلکے ہاتھوں سے پانچ سیکنڈ تک دباؤ ڈالنے کے بعد انھیں ہلکا سا اوپر کھینچیں تو نزلہ، زکام اور گلے کے درد جیسے مسائل کافی حد تک کم ہوسکتے ہیں۔

انگوٹھے کے علاوہ باقی چاروں انگلیوں کے دوسرے جوڑ ہماری آنکھوں اور کانوں سے جڑے ہوتے ہیں ،اگر اس جگہ دباؤ ڈالا جائے تو کان اور آنکھ کی تکالیف کم ہوسکتی ہیں۔

اس تصویر میں بتائے گئے چار پریشر پوائنٹس کو باری باری پانچ سیکنڈز کے لئے دبائیں۔

 یہ پریشر پوائنٹس سانس کی تکلیف، نزلہ، کھانسی اور گلے میں درد کا علاج کرنے کے علاوہ ریڑھ کی ہڈی میں ہونے والا درد بھی کم کرتے ہیں۔

2018  میں کی گئی ایک تحقیق کے مطابق تصویر میں ان پریشر پوائنٹس کو دبانے سے مریضوں میں اعصابی تناؤ بہت کم دیکھا گیا جن کی تھوڑی دیر بعد دل کی سرجری ہونی تھی۔

 اگر آپ بھی اعصابی اور ذہنی تناؤ کا شکار رہتے ہیں تو اس جگہ پانچ سیکنڈ کا ہلکا سا دباؤ ڈال کر آزما سکتے ہیں۔

اس کے علاوہ تصویر میں ہتھیلی کے آگے اور پیچھے کی جانب دیے گئے ان پریشر پوائنٹس پر دباؤ ڈالنے سے معدے میں درد، الٹی اور طبعیت متلانے میں راحت مل سکتی ہے۔