آسٹریلوی ٹیم کے سابق کپتان اور لیجنڈ کرکٹر رکی پونٹنگ نے بھارتی ٹیم کی کوچنگ کی پیشکش ٹھکرانے کے پیچھے کی وجہ بتادی ہے۔
بھارتی میڈیا رپورٹس کے مطابق رکی پونٹنگ نے کہا ہے کہ انڈین پریمئر لیگ (آئی پی ایل) 2021 کے دوران بھارتی ٹیم کے ہیڈ کوچ کے عہدے کے لیے ان سے رابطہ کیا گیا تھا لیکن کچھ سوچنے کے بعد انہوں نے کام کی نوعیت اور اپنے ٹائم مینجمنٹ کو سمجھتے ہوئے اسے مسترد کرنے کا فیصلہ کیا۔
رکی پونٹنگ نے کہا کہ جن لوگوں نے مجھ سے بھارتی ٹیم کی ہیڈ کوچنگ کے لیے رابطہ کیا تھا وہ بےحد پُرجوش تھے لیکن کام کی مصروفیات کی وجہ سے، میں نے یہ پیشکش ٹُھکرا دی۔
اُنہوں نے کہا کہ وقت ہی وہ واحد چیز ہے جس کی وجہ سے میں نے یہ فیصلہ کرنے سے خود کو روکا ہے، میں آسٹریلوی ٹیم کی کوچنگ کرنا پسند کروں گا لیکن میں اب اپنے اہلخانہ سے دور نہیں رہ سکتا۔
رکی پونٹنگ نے کہا کہ میں کوچنگ کی وجہ سے سارا سال بھارت میں نہیں گُزار سکتا اور نہ ہی اہلخانہ سے دور رہنا ہے کیونکہ اب میرا بیٹا بڑا ہورہا ہے۔
Advertisement
واضح رہے کہ رکی پونٹنگ کے انکار کے بعد بھارتی کرکٹ بورڈ نے راہول ڈیوڈ سے رابطہ کیا تھا جس کے بعد اُنہیں بھارتی کرکٹ ٹیم کے ہیڈ کوچ کی ذمہ داری دی گئی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
