کراچی پورٹ کی حدود سے نکلنے والے بحری جہاز نے پاکستانی سمندری حدود پار کرلی ہے۔
تفصیلات کے مطابق شپنگ ایجنٹ کیپٹن عاصم اقبال کا کہنا ہے کہ ٹگ بوٹ الوہاش کے ذریعے جہاز کو کھنچ کر پاکستانی سمندری حدود سے باہر نکال لیا گیا ہے۔
انہوں نے کہا کہ 3 نومبر کو جہاز دوپہر ڈھائی بجے کراچی پورٹ سے روانہ کیا گیا تھا، ہینگ ٹونگ77 کو پاکستانی سمندری حدو دسے روانہ ہوئے چوتھا روز ہے۔
کیپٹن عاصم کا کہنا ہے کہ 3ماہ 13 دن بعد جہاز مالک کی جانب سے واجبات کی ادائیگی کے بعد جہاز کو روانہ کیا گیا ہے، یہ جہاز پہلے دبئی پھر قطر کی جانب روانہ ہوگا۔
اس سے قبل کراچی کے ساحل پر پھنسا ہوا بحری جہاز ہینگ ٹونگ 77 کو پورٹ سے لے جانے کی تیاریاں مکمل کرلی گئی تھیں۔
Advertisement
کے پی ٹی حکام کے مطابق ٹک بوٹ جہاز کے اطراف کھڑے کردیئے گئے ہیں، اس وقت سمندر میں تیز ہوائیں چل رہی ہیں۔
کے پی ٹی حکام کا کہنا ہے کہ تیز ہوا کے دباؤ کی وجہ سے جہاز لے جانے میں تاخیر ہے، ہوا کا دباؤ کم ہوتے ہی جہاز کو روانہ کردیا جائے گا۔
واضح رہے کہ جہاز کے کپتان سمیت عملہ اور ٹک بوٹ اسٹاف جہاز لے جانے کے لئے پورٹ پر موجود ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
