نیویارک شہر میں 2021 کے موسمِ خزاں کی سب سے نمایاں نیلامی منعقد کی گئی تھی۔

غیر ملکی خبر رساں ادارے کے مطابق امریکہ کے شہر نیو یارک کے سدھبیز نیال گھر میں میک لؤ آرٹ کلیکشن میں شامل فن پاروں سے ایک رات میں 67 کروڑ 60 لاکھ ڈالر کمائے گئے ہیں۔

سدھبیز ہیدکوارٹر میں ہونے والی نیلامی میں دو سو سے تین سو افراد کو شرکت کی اجازت تھی۔

 اس میں امریکی پینٹر مارک روتھکو کی بھی ایک پینٹنگ شامل ہے جو کہ آٹھ کروڑ ڈالر سے زائد میں نیلام ہوئی۔

یاد رہے کہ دو فن پاروں کو اس شام کے مہنگے ترین آئٹم قرار دیا جا رہا تھا۔

تاہم آخر میں مارک روتھکو کی پینٹنگ سب سے زیادہ قیمت میں نیلام ہوئی۔

 اس پینٹنگ کے لیے فیس اور کمیشن سمیت آٹھ کروڑ 24 لاکھ ڈالر ادا کیے گئے۔

مارک روتھکو کی پینٹنگ نے سویس آرٹسٹ ایلبرٹو جکومیٹی کی پینٹنگ کو پیچھے چھوڑ دیا۔

اس حوالے سے سدھبیز انتظامیہ کا کہنا تھا کہ دونوں فن پاروں کو ایشین کلیکٹرز نے خریدا ہے۔

اس کے علاوہ نیویارک میں پاپ آرٹ کے ماسٹر اینڈی وارہول کی دو پینٹنگز کی فروخت بھی سب سے زیادہ متوقع تھی۔

اس دوران کلیکشن کے تمام 35 فن پارے فروخت ہوئے۔ ان میں سے چار، پانچ کروڑ ڈالر سے زائد کی قیمت پر نیلام ہوئے۔

ان کی مشہور پینٹنگ ’نائن میریلئنز‘ چار کروڑ 73 لاکھ میں نیلام ہوئی۔

یہ فن پارہ فلم سٹار میریلئن مونرؤ کے چہرے کی بلیک اینڈ واٹ میں پینٹنگ کی سیریز ہے۔اس کلیکشن کے 65 فن پاروں میں سے 35 فروخت ہوئے ہیں باقی 2022 میں فروخت کیے جائیں گے۔ (فوٹو: اے ایف پی)

جبکہ ان کی دوسری پینٹنگ ’سکسٹین جیکیز‘ تین کروڑ 38 لاکھ ڈالر میں نیلام ہوئی ، اس میں امریکی مصنف جیکی کینیڈی کی تصویر کشی کی گئی ہے۔

اس سے قبل کورونا وائرس کی وبا کے باعث نیلامی کے کئی سیزن آن لائن منعقد کیے گئے تھے۔

کیا آپ جانتے ہیں کہ میل لؤ کلیکشن کس کی تھی؟

سال 2018 میں ریئل اسٹیٹ کا کام کرنے والے ہیری میک لؤ اور لنڈا برگ کی طلاق ہوگئی تھی اس جوڑے کے پاس ایک متاثر کن آرٹ کلیکشن تھا، جس کا نام میک لؤ ہے، اور جو سدھبیز میں نیلامی پر تھا۔

یاد رہے کہ  ایک شام میں 67 کروڑ 60 لاکھ ڈالر کما کر یہ کلیکشن 2018 کے راک فیلر کلیکشن کا ریکارڈ توڑ سکتا ہے۔

واضح رہے کہ راک فیلر کلیکشن برطانوی نیلام گھر کرسٹیز میں 83 کروڑ 50 لاکھ ڈالر میں فروخت ہوا تھا۔