نسلہ ٹاور منہدم کرنے کا معاملہ: خواجہ سعد رفیق کا حافظ نعیم سے متعلق 'رویے' پر اظہارِ افسوس

نسلہ ٹاور منہدم کرنے کا معاملہ: خواجہ سعد رفیق کا حافظ نعیم سے متعلق ‘رویے’ پر اظہارِ افسوس

ویب ڈیسک

26th Nov, 2021. 09:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نسلہ ٹاور منہدم کرنے کا معاملہ: خواجہ سعد رفیق کا حافظ نعیم سے متعلق ‘رویے’ پر اظہارِ افسوس

سابق وفاقی وزیر اور پاکستان مسلم لیگ (ن) کے رہنما خواجہ سعد رفیق نے کہا ہے کہ امیر جماعت اسلامی کراچی حافظ نعیم الرحمٰن ایک درویش صفت بہادر اور دیانتدار سیاسی رہنما ہیں ان کی بات سننے کی بجائے انہیں ٹوکنا اور ڈرانا افسوسناک امر ہے۔

خیال رہے کہ انہوں نے یہ بات سماجی روابط کی ویب سائٹ ٹوئٹر پر ایک جاری بیان میں کہی تاہم انہوں نے ٹوئٹ میں کسی کا نام نہیں کیا لیکن غالباً ان کا اشارہ نسلہ ٹاور کے معاملے پر ہونے والی سپریم کورٹ کراچی رجسٹری کی آج کی سماعت تھی۔

اس سماعت میں امیر جماعت اسلامی کراچی حافظ نعیم الرحمٰن کو نسلہ ٹاور کے کیس میں عدالت نے بات کرنے کی اجازت نہیں دی تھی اور کمرہ عدالت سے چلے جانے کو کہا تھا۔

امیر جماعت اسلامی حافظ نعیم الرحمٰن ایک درویش صفت بہادر اور دیانتدار سیاسی رہنما ہیں۔

وہ کراچی کے مشکل ترین ادوار میں بھی اپنے نظریے کی بیباک نمائیندگی کرتے رہے ہیں

انکی بات سننے کی بجائے انہیں بات نہ کرنے دینا ٹوکنا ڈرانا افسوسناک امر ہے 😒— Khawaja Saad Rafique (@KhSaad_Rafique) November 26, 2021

اس پر سابق وفاقی وزیر خواجہ سعد رفیق نے اپنی ٹوئٹ میں کہا کہ امیر جماعت اسلامی کراچی حافظ نعیم الرحمٰن ایک درویش صفت بہادر اور دیانتدار سیاسی رہنما ہیں وہ کراچی کے مشکل ترین ادوار میں بھی اپنے نظریے کی بیباک نمائندگی کرتے رہے ہیں۔

ان کا مزید کہنا تھا کہ حافظ نعیم کی بات سننے کی بجائے انہیں بات نہ کرنے دینا، ٹوکنا اور ڈرانا افسوسناک امر ہے۔

اس سے قبل سعد رفیق نے اپنے ایک اور ٹوئٹ میں کہا تھا کہ غیر قانونی تعمیرشدہ نسلہ ٹاور کراچی ضرور گرائیں مگر اس کے خریدار متاثرہ 44 خاندانوں کوبے گھر ہونے سے پہلے معاوضہ دلوائیں۔

غیر قانونی تعمیرشدہ تعمیر نسلہ ٹاور کراچی گرائیں مگراسکے خریدارمتاثرہ 44 خاندانوں کوبے گھرھونے سے پہلے معاوضہ دلوائیںمہاجروں کی دوسری نسل کواپنے وطن میں پھرمہاجر نہ ھونے دیںسزاغیر قانونی تعمیرات کرنیوالابلڈرپاۓ یا ملی بھگت کرنیوالے سرکاری اھلکار نہ کہ رھائشی خریدار— Khawaja Saad Rafique (@KhSaad_Rafique) November 26, 2021

ان کا مزید کہنا تھا کہ مہاجروں کی دوسری نسل کو اپنے وطن میں پھر مہاجر نہ ہونے دیں، سزا غیر قانونی تعمیرات کرنیوالے بلڈر یا ملی بھگت کرنیوالے سرکاری اہلکار کو دی جائے نہ کہ رہائشی خریداروں کو۔