قومی کرکٹ ٹیم کے تجربہ کار آل راؤنڈر شعیب ملک نے کہا ہے کہ یہ وقت ایک دوسرے کا ساتھ دینے اور آگے بڑھنے کا ہے۔

تفصیلات کے مطابق  شعیب ملک نے  سماجی رابطے کی ویبسائٹ ٹویٹر پر ورلڈکپ ٹی ٹوئنٹی کے قومی اسکواڈ کی ترانہ پڑھتے وقت کی تصویر شیئر کر دی  ہے۔

– Making a team requires consistency, when we play we win as a team & we loose as a team, what matters the most is that we fight till the end and we did. This is the time to support each other and move on, chance always favors the prepared mind! #BeStrongBoys #PakistanZindabad pic.twitter.com/8JsLBHNXB9

— Shoaib Malik 🇵🇰 (@realshoaibmalik) November 12, 2021

 قومی کرکٹ ٹیم کے آل راؤنڈر شعیب ملک نے سیمی فائنل میں شکست کے بعد اپنا پہلا پیغام جاری کیا ہے۔

شعیب ملک نے ٹوئٹر پر ورلڈکپ ٹی ٹوئنٹی کے قومی اسکواڈ کی تصویر شیئر کرتے ہوئے لکھا کہ ٹیم بنانے کیلئے مستقل مزاجی ضروری ہوتی ہے، جب ہم کھیلتے ہیں تو ایک ٹیم کی طرح فتح یاب ہوتے ہیں اور بطور ٹیم ہی شکست سے دوچار بھی ہوتے ہیں۔

کرکٹر نے اپنے پہلے پیغام میں کہا کہ سب سے اہم یہ ہے کہ ہم آخر تک لڑتے ہیں اور اس بار بھی ہم نے ایسا ہی کیا، یہ وقت ایک دوسرے کا ساتھ دینے اور آگے بڑھنے کا ہے۔

واضح رہے کہ پاکستان نے 11 نومبر کو ورلڈکپ ٹی ٹوئنٹی کا سیمی فائنل آسٹریلیا کیخلاف کھیلا جس میں آسٹریلیا کو 19 ویں اوور میں 5 وکٹوں سے فتح حاصل ہوئی۔