پاکستان کرکٹ ٹیم کے مڈل آرڈر بیٹسمین حیدر علی نے کہا ہے کہ پچ آسان نہیں تھی مگر سینئر کھلاڑیوں کے مشوروں پر عمل کیا۔

تفصیلات کے مطابققومی کرکٹ ٹٰم کے بیٹسمین حیدر علی نے بنگلادیچ کے خلاف تیسرے ٹی ٹوئنٹی میچ میں فتح حاصل کرنے کے بعد اپنے بیکان میں کہا کہ  محمد رضوان اور میں رنز بنانے کے لیے اوور ٹو اوور پلان کررہے تھے۔

ان کا کہنا تھا کہ  مداحوں کے بہت مشکور ہیں کہ جنہوں نے پوری سیریز میں بھرپور حوصلہ افزائی کی۔

واضح رہے کہ پاکستان نے تیسرے اور آخری ٹی ٹوئنٹی میچ میں بنگلادیش کو سنسنی خیز مقابلے کے بعد  5 وکٹوں سے شکست دی۔

حیدر علی  45 رنز بنا کر نمایان بیٹسمین رہے۔

علاوہ ازیں اس میچ میں ڈیبیو کرنے والے شاہ نواز  دھانی نے اپنے کیریئر کی پہلی وکٹ حاصل کی جبکہ حارث روف بھی ایک کھلاڑی کو آوٹ کرسکے۔

دوسری جانب قومی اسکواڈ میں آج 4 تبدیلیاں کی گئی تھیں جس میں سرفراز احمد، افتخار احمد، عثمان قادر اور شاہ نواز دھانی کو پلیئنگ الیون میں شامل کیا گیا تھا۔

واضح رہے کہ پاکستان ٹیم نے اس ٹی ٹوئنٹی سیریز میں کلین سوئپ کیا ہے جبکہ اس سے قبل کھیلے گئے دو میچز میں سے پہلے میچ میں پاکستان نے بنگلادیش کو سنسنی خیز مقابلے کے بعد 4 وکٹوں سے شکست دی تھی اور سیریز کے دوسرے میچ میں پاکستان نے باآسانی 8 وکٹوں سے کامیابی حاصل کی تھی۔

یاد رہے کہ قومی ٹی ٹونٹی اسکواڈ آج شام ساڑھے 6 بجے ڈھاکا سے بذریعہ دبئی وطن واپس روانہ ہوگا تاہم اسپنرز عماد وسیم اور عثمان قادر کچھ روز دبئی میں فیملیز کے ہمراہ قیام کے بعد وطن واپس روانہ ہوں گے۔

خیال رہے کہ پاکستان اور بنگلا دیش کے مابین پہلا ٹیسٹ میچ 26 نومبر سے چٹاگانگ میں کھیلا جائے گا جبکہ دوسرا اور آخری ٹیسٹ میچ 4 دسمبر سے ڈھاکہ میں کھیلا جائے گا