ویسٹ انڈیز ویمن ٹیم  نے پاکستان ویمن ٹیم کو پہلے ایک روزہ میچ میں 45 رنز سے شکست دے دی ہے۔

تفصیلات کے مطابق نیشنل اسٹیڈیم کراچی میں کھیلے گئے اس میچ میں  پاکستان نے ٹاس جیت پہلے باؤلنگ کا فیصلہ کیا۔

ویسٹ انڈیز  ویمن ٹیم نے مقررہ 50 اوورز میں  8 وکٹوں کے نقصان پر 253 رنز بنائے۔

ویسٹ انڈیز کی جانب سے دینڈرا دوتن نے 132 رنز کی اننگ کھیلی،ہیلی میتھیوس 57،شیمائن کیمپبلی 23 جبکہ کپتان اسٹیفینی ٹیلر نے صرف ۶ رنز بنائے۔

پاکستان کی جانب سے انم امین نے 5 کھلاڑیوں کو پویلین کی راہ دکھائی،فاطمہ ثناء 2 جبکہ نشرہ سندھو نے 1 وکٹ حاصل کی ۔

ویسٹ انڈیز کی جانب سے دیے گئے ہدف کے تعاقب میں پاکستان ویمن ٹیم  مقررہ 50 اوورز میں 9 وکٹوں کے نقصان پر 208 رنز بنا سکی۔

پاکستان کی جانب سے عالیہ ریاض 46 رنز بنا کر نمایاں بیٹسمین رہیں،ارم جاوید 40،کائنات امتیاز 24 جبکہ کپتان سدرانواز نے 23 رنز بنائے۔

ویسٹ انڈیز کی جانب سے ہیلی میتھیوس نے 3 وکٹیں حاصل کیں،شکیرا سیلمن2 جبکہ انیسہ محمد اور قیانہ جوزیف نے 1،1 وکٹ حاصل کی۔

ویسٹ انڈیز کی دینڈرا دوتن کو 132 رنز کی شانداراننگ کھیلنے پر مین آف دی میچ کا ایوارڈ دیا گیا۔