سابق چیئرمین پی سی بی احسان مانی کے اخراجات کی مکمل تفصیلات جاری کر دی گئیں

ویب ڈیسک

22nd Nov, 2021. 07:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سابق چیئرمین پی سی بی احسان مانی کے اخراجات کی مکمل تفصیلات جاری کر دی گئیں

پاکستان کرکٹ بورڈ (پی سی بی) کی جانب سے سابق چیئرمین احسان مانی کے تین سالہ اخراجات کی مکمل تفصیلات جاری کردی گئی ہیں۔

پاکستان کرکٹ بورڈ کی جانب سے جاری کی گئی دستاویز کے مطابق احسان مانی نے تین سال میں 3 کروڑ، 61 لاکھ، 63 ہزار 835 روپے خرچ کیے، احسان مانی نے سب سے زیادہ رقم رہائش کی مد میں موصول کی۔

پی سی بی دستاویزات کے مطابق احسان مانی نے رہائش کے لیے 1 کروڑ، 23 لاکھ، 53 ہزار روپے سے زائد خرچ کیے جبکہ غیر ملکی دوروں پر ایک کروڑ 5 لاکھ 75 ہزار کا خرچہ آیا۔

پی سی بی دستاویزات کے مطابق ملکی سفر پراحسان مانی نے 54 لاکھ، 27 ہزار 678 روپےخرچ کیے۔

پی سی بی کی جانب سے چیئرمین پی سی بی رمیز راجہ کے ستمبر کے اخراجات بھی جاری کر دیئے گئے ہیں جس کے مطابق رمیز راجہ نے1 لاکھ 50 پچاس ہزار 424 روپے خرچ کیے ہیں۔