اسلام آباد میں ڈینگی کی صورتحال

سعدیہ شمیم

01st Nov, 2021. 11:12 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد میں ڈینگی کی صورتحال

وفاقی دار الحکومت اسلام آباد میں ڈینگی سے متاثرہ مریضوں کی تعداد 3643 ہوگئی ہے۔
تفصیلات کے مطابق وفاقی دار الحکومت اسلام آباد میں ڈینگی کے کیسز میں اضافہ دیکھا جارہا ہے، چوبیس گھنٹوں کے دوران اسلام آباد کے 46 شہریوں میں ڈینگی کی تصدیق ہوئی ہے۔
اس کے علاوہ دیہی علاقوں میں گزشتہ چوبیس گھنٹوں کے دوران 12 نئے ڈینگی کیسز سامنے آئے ہیں، جس کے بعد مجموعی طور پر دیہی علاقوں میں ڈینگی وائرس سے متاثر ہونے والوں کی تعداد 2084 ہوگئی ہے۔
جبکہ شہری علاقوں میں گزشتہ چوبیس گھنٹوں کے دوران ڈینگی کے34 نئے کیس رپورٹ ہوئے ہیں، جس کے بعد مجموعی طور پر شہری علاقوں میں ڈینگی وائرس سے متاثر ہونے والوں کی تعداد 1559 ہوگئی ہے۔
خیبرپختونخوا میں ڈینگی کی صورتحال

دوسری جانب خیبرپختونخوا میں گزشتہ 24 گھنٹوں کے دوران ڈینگی کے مزید 193 نئے کیسز رپورٹ ہوئے ہیں۔
تفصیلات کے مطابق صوبے میں مجموعی طور پر ڈینگی سے متاثرہ مریضوں کی تعداد 6 ہزار 803 ہوگئی ہے، جبکہ صوبے میں ڈینگی سے انتقال کرجانے والوں کی مجموعی تعداد 8 ہوگئی ہے۔
محکمہ صحت کا کہنا ہے کہ صوبے میں ڈینگی ایکٹیو کیسز کی تعداد 1 ہزار 462 ہے جبکہ گزشتہ 24 گھنٹوں میں ڈینگی سے متاثرہ 303 مریض صحتیاب ہوئے ہیں۔
خیبرپختونخوا میں اب تک ڈینگی سے متاثرہ 5 ہزار 333 مریض صحتیاب ہوچکے ہیں۔
پشاور میں گزشتہ 24 گھنٹوں کے دوران 128 افراد ڈینگی سے متاثر ہوئے ہیں۔
محکمہ صحت کےمطابق ہری پورمیں 14 , نوشہرہ میں 4 اور ایبٹ آباد 5 افراد میں ڈینگی کی تصدیق ہوئی ہے۔

اس وقت صوبے کے مختلف ہسپتالوں میں ڈینگی سے متاثرہ 197 مریض زیرعلاج ہیں، ڈینگی سے متاثرہ سب سے زیادہ مریض خیبرٹیچنگ ہسپتال میں زیر علاج ہیں۔