اشیاء خوردونوش کی عام آدمی تک رسائی حکومتی اولین ترجیح ہے،شوکت ترین

وریشہ مسعود

09th Nov, 2021. 11:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اشیاء خوردونوش کی عام آدمی تک رسائی حکومتی اولین ترجیح ہے،شوکت ترین

شوکت ترین نے کہا ہے کہ اشیاء خوردونوش کی عام آدمی تک رسائی حکومتی اولین ترجیح ہے۔

مشیر خزانہ شوکت ترین سے شوگر ملز ایسوسی ایشں کے وفد کی چیئرمین ذکا اشرف کی قیادت میں ملاقات ہوئی جس میں وفاقی وزراء فخر امام،حماد اظہر،مونس الہی سمت دیگر اعلیٰ عہدیداران شریک ہوئے۔

ملاقات میں مشیر خزانہ کا کہنا تھا کہ اشیاء خوردونوش کی عام آدمی تک رسائی حکومتی اولین ترجیح ہے اور اس ضمن میں حکومت اپنی تمام صلاحیتیں بروئے کار لا رہی ہے۔

شوکت ترین نے کہا کہ شوکر ملز ایسوسی ایشن چینی کی طلب اور رسد کے پیش نظر پیشگی انتظامات کرے۔

مشیر خزانہ شوکت ترین کا مزید کہنا تھا کہ حکومت شوگر ملز کے مسائل سے بخوبی آگاہ ہے، شوگر ملز ایسوسی ایشن سے ہر ممکن تعاون کریں گے۔

اس موقع پر شوگر ملز ایسوسی ایشن کے وفد نے چینی کی دستیابی کے لیے حکومت سے مکمل تعاون کی یقین دہانی کروائی۔

پاکستان شوگر ملز ایسوسی ایشن کے وفد کا کہنا تھا کہ شوگر انڈسٹری کافی مشکلات کا سامنا کر رہی ہے،حکومت سے مدد درکار ہے تا کہ مسائل کا تدارک ہو سکے۔

پی ایس ایم اے کے وفد کا مزید کہنا تھا کہ حکومت ہمارے لیے سازگار ماحول پیدا کر کے ہر ممکنہ ریلیف مہیا کرے۔