پاکستان کرکٹ ٹیم کے آل راؤنڈر شاداب خان نے کپتان بابر اعظم کی جانب سے ’بڈھا‘ کہے جانے کا جواب دلچسپ انداز میں دے دیا۔

تفصیلات کے مطابق سماجی رابطے کی ویبسائٹ ٹویٹر پر وائس کپتان شاداب خان نے بنگلادیش کے خلاف دوسرے ٹی ٹوئنٹی میچ میں شاندار کیچ لینے کی تصویر شیئر کی۔

Another team effort for that victory. Aur ek zaruri baat: Budha nahi hua abhi mai @babarazam258 😜. pic.twitter.com/bNhN0mP0Rb

— Shadab Khan (@76Shadabkhan) November 20, 2021

تصویر میں دیکھا جاسکتا ہے کہ شاداب خان فل ڈائیو کے ساتھ کیچ پکڑ رہے ہیں۔

اپنی یہ تصویر شیئر کرتے ہوئے شاداب خان نے پہلے ٹیم کی تعریف کی اور کہا کہ ایک اور جیت میں ٹیم کی محنت رہی۔

شاداب خان نے قومی ٹیم کے کپتان بابر اعظم کو مخاطب کرتے ہوئے کہا کہ ایک اور ضروری بات، بڈھا نہیں ہوا میں۔

واضح رہے کہ مینز ٹی ٹوئنٹی ورلڈکپ 2021 کے وارم اپ میچز میں ویسٹ انڈیز کے خلاف ایک موقع پر جب شاداب خان سے رن آؤٹ چھوٹ گیا تو اس پر بابر اعظم نے انہیں ’بڈھا‘ کہا تھا۔

واضح رہے کہ پاکستان نے دوسرے ٹی ٹوئنٹی میں بنگلادیش کو باآسانی 8 وکٹوں سے شکست دے کر تین میچوں کی سیریز میں 0-2 کی ناقابلِ شکست برتری حاصل کرلی۔

ڈھاکہ میں کھیلے گئے دوسرے ٹی ٹوئنٹی میچ میں بنگلادیش نے پاکستان کو جیت کے لیے 109 رنز کا ہدف دیا تھا جو شاہینز نے 19ویں اوور میں 2 وکٹوں کے نقصان پر پورا کرلیا تھا۔