گورنر سندھ عمران اسمائیل نے کہا ہے کہ وزیر اعظم عمران خان کو اپنی یوتھ پر بہت بھروسہ ہے۔

 جامعہ این ای ڈی کے تحت تیسویں سالانہ جلسہ تقسیمِ اسناد 2021 کی تقریب ہوئی جس میں گورنر سندھ عمران اسماعیل نے شرکت کی۔

تقریب میں وائس چانسلر این ای ڈی پروفیسر ڈاکٹر سروش حشمت لودھی حشمت لودھی نے خطاب کرتے ہوئے کہا کہ 18 پی ایچ ڈی ڈگری دینے والی ہم ملک پہلی ”انجینئرنگ جامعہ“ ہیں، کووڈ کی وجہ سے دو نشستوں میں کانووکیشن کا انعقاد کرنا مجبوری تھی۔

  حشمت لودھی کا کہنا تھا کہ میں تمام والدین کو مبارک باد دیتا ہوں۔

گورنر عمران اسماعیل نے جلسہ اسناد سے خطاب کرتے ہوئے کہا کہ مجھے بہت خوشی ہوئی یہاں آکر، جب سے گورنر بنا ہوں یہ ایونٹ مجھے ملتے ہیں۔

  عمران اسماعیل کا کہنا تھا کہ تمام بچوں کو مبارک باد دیتا ہوں، عمران خان کو اپنی یوتھ پر بہت بھروسہ ہے، اسی لیے عمران خان نے کامیاب نوجوان پروگرام متعارف کروایا۔

 انہوں نے کہا کہ اسٹارپ کے لیے کامیاب نوجوان پروگرام سے کام کرسکتے ہیں، میں نے عثمان ڈار سے بات کی ہے کہ جامعہ کراچی اور این ای ڈی میں کامیاب نوجوان پروگرام ڈیسک بنائے، تاکہ نوجوان اپنی جامعات سے آسانی سے اس پروگرام سے استعفادہ حاصل کرسکے۔

گورنر سندھ عمران اسمائیل کا مزید کہنا تھا کہ ملک میں بے تحاشہ مواقع موجود ہیں، کامیاب کہانیوں کو سراہانہ ضروری ہے۔