جونیئر ہاکی ورلڈکپ،قومی ٹیم کو پہلے میچ میں شکست

ویب ڈیسک

24th Nov, 2021. 06:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جونیئر ہاکی ورلڈکپ،قومی ٹیم کو پہلے میچ میں شکست

جونئیر ورلڈ کپ ہاکی کے پہلے ہی میچ میں پاکستان کو جرمنی کے ہاتھوں شکست کا سامنا کرنا پڑا ہے۔

تفصیلات کے مطابق جرمنی نے پاکستان جونئیرز کو 2 کے مقابلے میں 5 گول سے ہرا دیا جبکہ بیلجیئم نے جنوبی افریقہ کے خلاف پانچ ایک سے کامیابی حاصل کی ہے۔

بھارت کے شہر بھوبنیشور میں شروع ہونے والے جونئیر ہاکی ورلڈ کپ میں پاکستان کا پہلا ٹکراؤ جرمنی کے ساتھ ہوا ، پہلے ہی کوارٹر میں جرمن ٹیم نے 2گول داغ دیئے ، دوسرے کوارٹر میں پاکستان کے عبداالحنان نے خسارہ کم کیا لیکن حریف ٹیم نے مزید 2گول کر کے اسکور چار ایک کر دیا ۔

تیسرے کوارٹر میں کوئی گول نہ بنا، آخری کوارٹر میں حماد الدین نے پاکستان کی جانب سے دوسرا گول کیا لیکن میچ ختم ہونے سے 6 منٹ قبل جرمنی نے ایک اور گول کر کے میچ پانچ دو سے جیت لیا۔

اس سے پہلے کھیلے گئے میچ میں بیلجیئم نے جنوبی افریقہ کو 5 کے مقابلے میں ایک گول سے ہرا دیا ۔