صدر پاکستان ڈاکٹر عارف علوی نے قمبر شہداد کوٹ میں گزشتہ دنوں پی ٹی آئی کے مقامی رہنما سخاوت راجپوت کے بہیمانہ قتل کی مذمت کی ہے۔
گورنر ہاؤس کراچی میں ایک اجلاس کی صدارت کرتے ہوئے صدر پاکستان نے وقوعہ اور مقدمہ پر اب تک کی پولیس پیش رفت پر تفصیلات حاصل کیں۔
اجلاس میں گورنر سندھ عمران اسمٰعیل، قائد حزب اختلاف سندھ اسمبلی حلیم عادل شیخ اور پی ٹی آئی کے سینئیر رہنما سیف اللہ نیازی شریک تھے۔
اس موقع پر حلیم عادل شیخ نے کہا کہ پولیس مقدمہ کی تفتیش اور قاتلوں کی گرفتاری میں اقدامات سے گریز کر رہی ہے۔ مرحوم سخاوت راجپوت کے قتل کو سازش کے تحت لسانی رنگ دینے کی کوشش کی جا رہی ہے۔
حلیم عادل شیخ نے کہا کہ سندھ میں پولیس کی غفلت کی وجہ سے مبینہ طور پر کالعدم تنظیمیں متحرک ہو رہی ہے جس پر تشویش ہے۔
Advertisement
صدر مملکت ڈاکٹر عارف علوی نے کہا کہ قاتلوں کی گرفتاری کے لیے یقینی اقدامات کئیے جائیں۔ شہریوں کی جان و مال کے تحفظ کے لیے پولیس اپنے فرائض پر توجہ دے۔
گورنر سندھ عمران اسمٰعیل نے کہا کہ امن و امان کے قیام اور شہریوں تحفظ کے ضمن میں کوئی عذر قابل قبول نہیں ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
