محکمہ موسمیات کا کہنا ہے کہ آج ملک کے بیشترعلاقوں میں موسم خشک اور سرد رہے گا۔

اسلام آباد میں کم سے کم درجہ حرارت 6 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب 64 فیصد تک رہنے کا امکان ہے۔

آج صوبہ پنجاب میں موسم خشک رہے گا تاہم صبح کے اوقات میں ناروال، سیالکوٹ، بہاولپوراور اس سے ملحقہ علاقوں میں ہلکی دھند چھائے رہنے کا امکان ہے۔

محکمہ موسمیات کے مطابق صوبہ خیبرپختونخواہ کے بیشتر اضلاع میں موسم خشک اورسردرہے گا جبکہ بالائی علاقوں میں مطلع ابر آلود رہنے کے علاوہ چترال ، دیر ، سوات اور کوہستان میں ہلکی بارش اور پہاڑوں پر ہلکی برفباری کا امکان ہے۔

اس کے علاوہ صوبہ سندھ کے بیشتراضلاع میں موسم خشک رہے گا تاہم صبح کے اوقات میں سکھراور گردونواح میں ہلکی دھند چھائے رہنے کا امکان ہے۔

جبکہ صوبہ بلوچستان کے بیشتر اضلاع میں موسم خشک اور سرد ر ہے گا۔

محکمہ موسمیات کے مطابق گلگت بلتستان کشمیر میں موسم سرد اور جزوی ابرآلود رہے گا جبکہ گلگت بلتستان میں ہلکی بارش اور پہاڑوں پر ہلکی برفباری کا امکان ہے۔

گزشتہ 24 گھنٹوں کے دوران ملک کے بیشترمیدانی علاقوں میں موسم خشک جبکہ پہا ڑی علاقوں میں سرد رہا۔

آج ر یکارڈ کیے گئے کم سے کم درجہ حرارت لہہ میں منفی09 ، اسکردو میں منفی07، کالام، گلگت، قلات میں منفی03، استو، گوپس، اننت ناگ میں منفی02 اورسری نگر میں منفی01 ڈگری سینٹی گریڈ ریکارڈ کیا گیا ہے۔