کراچی اورکوئٹہ سے آنے والی ٹرینوں کا شیڈول متاثرہوگیا جس کے باعث مسافروں کو پریشانی کا سامنا کرنا پڑا ہے۔
تفصیلات کے مطابق کراچی سے لاہور آنے والی شاہ حسین ایکسپریس2 گھنٹے 20 منٹ تاخیر سے آرہی ہے جبکہ کراچی سے لاہور آنے والی بزنس ایکسپریس 1 گھنٹے 35 منٹ تاخیر کا شکار ہے۔

ذرائع کا کہنا تھا کہ کراچی سے لاہور آنے والی کراچی ایکسپریس 2 گھنٹے 40 منٹ لیٹ آرہی ہے جبکہ کراچی سے براستہ فیصل آباد راولپنڈی جانے والی پاکستان ایکسپریس35 منٹ لیٹ ہے۔

کراچی سے لاہور آکر پشاور جانے والی خیبر میل 1 گھنٹے 15 منٹ کی تاخیر کا شکار ہے جبکہ کراچی سے براستہ فیصل آباد ملکوال جانے والی ملت ایکسپریس2 گھنٹے 15 منٹ کی تاخیر کا شکار ہے۔

کراچی سے براستہ پاکپتن لاہور آنے والی فرید ایکسپریس 1 گھنٹے 15 منٹ لیٹ ہے جبکہ کراچی سے لاہورآکر راولپنڈی جانے والی تیز گام 1گھنٹے 25 منٹ تاخیر کا شکار ہے۔

ذرائع کا کہنا تھا کہ کراچی سے لاہور آکر سیالکوٹ جانے والی علامہ اقبال ایکسپریس 1 گھنٹے 35 منٹ تاخیر کا شکار ہے جبکہ کراچی سے براستہ فیصل آباد لاہورآنے والی قراقرم1 گھنٹے 20 منٹ لیٹ ہے۔

کراچی سے براستہ فیصل آباد راولپنڈی جانے والی سر سید ایکسپریس 2 گھنٹے 40 منٹ تاخیر کا شکار ہے۔

ذرائع کا مزید کہنا تھا کہ کوئٹہ سے لاہور آکر پشاور جانے والی جعفر ایکسپریس 1 گھنٹے 30 منٹ کی تاخیر کا شکار ہے جبکہ کراچی سے لاہور آکر اسلام آباد جانے والی گرین لائن 1 گھنٹے 45 منٹ تاخیر کا شکار ہے۔

دوسری جانب شاہ حسین ایکسپریس رات 7 بجکر 30 منٹ کی بجائے رات 8 بجکر 30 منٹ پر لاہور سے کراچی کیلئے روانہ ہوگی۔