مہنگی چینی فروخت ، شوگر ملز مالکان کو اربوں روپے کا فائدہ

ویب ڈیسک

05th Nov, 2021. 02:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مہنگی چینی فروخت ، شوگر ملز مالکان کو اربوں روپے کا فائدہ

مہنگی چینی فروخت کر کے تحریک انصاف کی حکومت میں شوگر ملز مالکان کو 265 ارب روپے کا فائدہ پہنچایا جاچکا ہے۔

تفصیلات کے مطابق تحریک انصاف کی حکومت میں رواں سال کے پہلے 10 ماہ میں شوگر ملز مالکان کو 67 ارب روپے کا فائدہ ہوا ہے۔

حکومت نوٹس لیتی اور عوام کو دلاسے دیتی رہ گئی لیکن ملک میں چینی کی فی کلو قیمت ریکارڈ 150 روپے تک پہنچ گئی ہے۔

واضح رہے کہ تحریک انصاف کی حکومت نے اس سے پہلے 28 اکتوبر کو چینی کی درآمد کا ٹینڈر تیسری بار منسوخ کیا تھا جس پر حکومتی ذرائع کا کہنا تھا کہ یہ ٹینڈر مہنگی ترین بولی ہونے کے باعث منسوخ کیا گیا تھا۔

اس ٹینڈر کے ذریعے 50 ہزار میٹرک ٹن چینی درآمد کی جانی تھی، ٹیکس سے قبل یہ چینی بندرگاہ پر 120 روپے فی کلو میں پڑتی جب کہ یوٹیلیٹی اسٹورز کو یہ چینی تقریباً 133 روپے فی کلو ملتی۔

اس سے قبل حکومت نے چینی کی درآمد کا ایک اور ٹینڈر منسوخ کر دیا گیا تھا جس میں چینی کی بولی 117 روپے فی کلو لگائی گئی تھی مگر آج ملک میں چینی کہیں 140، کہیں 150 تو کہیں 160 روپے فی کلو فروخت ہو رہی ہے، یہ ٹینڈر جنہیں مہنگا قرار دیا جا رہا تھا، ان سے ملنے والی چینی موجودہ قیمت سے تو سستی ہی پڑتی۔