اڑنے والی گاڑیوں میں سفر کرنے کے لیے اب ہو جائیں تیار

اریبہ نثار

16th Nov, 2021. 08:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اڑنے والی گاڑیوں میں سفر کرنے کے لیے اب ہو جائیں تیار

دبئی ٹریفک جام جیسے مسئلے سے بچاؤ اور اس کے حل کے لیے ایک اڑنے والی گاڑی بہت جلد لانچ کرنے جا رہا ہے۔

غیر ملکی خبر رساں ادارے کے مطابق امریکی ریاست فلوریڈا میں مقیم ایک کمپنی کی جانب سے اڑنے والی گاڑی لانچ کی جائے گی

اڑنے والی گاڑیوں کے استعمال سے اب بہت جلد دبئی جیسے بڑے شہر میں ٹریفک جام ہونے جیسا مسئلہ بھی حل ہو جائے گا۔

امریکی کمپنی(LuftCar) ایک خود مختار گاڑی کی تیاری میں مصروف ہے جسے 2023ء میں دبئی میں اُڑنے کے لیے لانچ کیا جائے گا۔

یاد رہے کہ ’خلیج ٹائمز‘ کے مطابق یہ گاڑی ناصرف اُڑ سکے گی بلکہ زمین پر بھی چلے گی۔

یہ اُڑنے والی گاڑی بالکل ایک ہیلی کاپٹر (eVTOL) کی ساخت جیسی ہو گی۔

رواں ماہ 14 نومبر کو المکتوم انٹرنیشنل ایئرپورٹ پر شروع ہو نے والے دبئی ایئر شو 2021 ء میں اس گاڑی کو بنانے والی کمپنی کی جانب سے بھی شرکت کی گئی ہے۔

یہ گاڑی ہائیڈروجن گیس سے چلے گی جو کہ 2023-24ء میں استعمال اور بکنے کے لیے تیار ہے۔

خیال رہے کہ اس گاڑی کی قیمت 350,000 امریکی ڈالرز ہوگی جس میں بیک وقت 5 افراد سفر کر سکیں گے۔