ذیابیطس میں جسم خون میں شوگر کی سطح کو کنٹرول نہیں کر سکتا لیکن خون میں شوگر کی سطح کو کنٹرول میں رکھنے کے بہت سے طریقے موجود ہیں۔

ماہرین ذیابطیس کے مریضوں کے لئے پانچ پھل ایسے ہیں جو بلڈ میں شوگر کی سطح کو کنٹرول کرنے میں مدد کر سکتے ہیں۔

سبز سیب ذیابیطس کے مریضوں کے لئے سُپر فوڈ سمجھا جاتا ہے یہ زنک، آئرن اور دیگر ٹریس میٹلز سے بھرپور ہوتا ہے جو بلڈ شوگر کو کنٹرول میں رکھنے میں مدد کرتا ہے۔

 سبز سیب میں چینی کی مقدار بہت کم ہوتی ہے جبکہ سُرخ سیب میں شوگر کی مقدار زیادہ ہوتی ہے۔

موسمبی میں گلیسیمک انڈیکس کم ہوتا ہے جو کہ ذیابیطس کے مریضوں کے لئے فائدے مند ہے، موسمبی وٹامن سی، فلیوونائڈ اینٹی آکسیڈنٹس اور فائبر سے بھرپور ہوتی ہے۔

اس کے علاوہ ناشپاتی کا گلائیسیمک انڈیکس کم ہوتا ہے، اس لئے یہ خون میں شوگر کی سطح کو جلدی نہیں بڑھا سکتا۔ ناشپاتی وٹامن اے، سی، ای، بی1، بی2، بی3 اور بی9 سے بھرپور ہے۔

 ناشپاتی میں پوٹاشیم، کیلشیم اور زنک کی اعلیٰ مقدار ہوتی ہے، ناشپاتی کو ریشے دار ہونے کے لیے بھی جانا جاتا ہے اور اس میں اینٹی آکسیڈنٹس اور کیروٹینائڈز ہوتے ہیں۔

جامن میں وٹامن اے، سی، گروپ بی اور ڈی کی مقدار زیادہ ہوتی ہے جو کہ ہائی بلڈ شوگر لیول کے خطرے کو کم کرنے میں مددگار ثابت ہوتی ہے۔

امرود کم گلیسیمک انڈیکس ہونے کے ساتھ ساتھ اس میں سوڈیم کی مقدار کم اور پوٹاشیم کی مقدار زیادہ ہوتی ہے۔

امرود ذیابیطس کے مریضوں کی صحت کے لئے بہت ضروری ہے، امرود میں بھی موسمبی کے مقابلے چار گنا زیادہ وٹامن سی ہوتا ہے۔