صبور علی لباس کی وجہ سے شدید تنقید کا شکار
پاکستانی شوبز انڈسٹری کی اداکارہ صبورعلی کو مغربی لباس پہننے پر تنقید کا سامنا کرنا پڑ رہا ہے۔
اداکارہ صبور علی نے فوٹو اینڈ ویڈیو شئیرنگ ایپ انسٹاگرام پر اپنی تصاویر پوسٹ کی ہیں۔
انسٹاگرام پر اداکارہ کی جانب سے پوسٹ کی جانے والی تصاویر میں صبور علی کو مغربی لباس میں دیکھا جا سکتا ہے جسے مداحوں کی جانب سے کچھ پسند نہیں کیا جا رہا ہے۔
اس سے قبل بھی پاکستانی شوبز انڈسٹری کی معروف اداکارائیں منال خان اور صبور علی کو مغربی لباس پہننے پر تنقید کا سامنا کرنا پڑ ا تھا۔
حال ہی میں منال خان اور صبور علی کی کچھ تصاویر اور ویڈیوز لیک ہوئی تھیں جو کہ ایک ٹاک شو کی تھیں۔
ان کے روایتی ملبوسات کے بجائے مغربی طرز کے لباس کے انتخاب پر سوشل میڈیا صارفین نے ان پر سخت تنقید کی تھی۔
کچھ صارفین تو اپنی روایات پر اس طرح سے تیزی سے اثرانداز ہوتی مغربی تہذیب پر اپنے غصے کو روک نہ سکے۔
ایک اور صارف نے لکھا تھا کہ افسوس ہوتا ہے کہ پاکستان موڈرنائیزیشن کے نام پر اپنی ثقافت اور اصولوں کو کھوتا جارہا ہے۔
جبکہ ایک صارف نے لکھا تھا کہ استغفراللّہ! منال آنٹی کتنی بے حیا ہوگئیں ہیں۔
واضح رہے اداکارہ صبور علی اکثر سوشل میڈیا پر اپنی تصاویر اور ویڈیوز پوسٹ کرتی رہتی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News