قومی ٹیم کے ہیڈ کوچ ثقلین مشتاق بھی حسن علی کے حق میں بول پڑے

محمد سلطان

12th Nov, 2021. 06:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی ٹیم کے ہیڈ کوچ ثقلین مشتاق بھی حسن علی کے حق میں بول پڑے

پاکستان کرکٹ ٹیم کے ہیڈ کوچ ثقلین مشتاق نے کہا ہے کہ حسن علی پاکستان ٹیم کی جان ہے،اس میں پاکستانی ٹیم کی روح ہے۔

تفصیلات کے مطابق قومی کرکٹ ٹیم کے ہیڈ کوچ ثقلین مشتاق نے دبئی میں میڈیا سے گفتگو کرتے ہوئے کہا کہ حسن علی پر شکست کی ذمے داری ڈالنا نا مناسب ہے،حسن علی ایک فائٹر کرکٹر ہے،اس نے پاکستان کو چیمپیئنز ٹرافی جتوائی ہوئی ہے۔

ثقلین مشتاق کا کہنا تھا کہ حسن علی ایک میچ ونر بولر رہے،اس نے گزشتہ ایک سال سے پاکستان کے لیے شاندار کرکٹ کھیلی ہے۔

ثقلین مشتاق نے میڈیا سے گفتگو کرتے ہوئے کہا کہ محمد رضوان دو دن آئی سی یو میں رہا ،میچ کی صبح میں نے اور بابر اعظم نے اس سے ملاقات کی۔

پاکستان کرکٹ ٹیم کے ہیڈ کوچ ثقلین مشتاق کا مزید کہنا تھا کہ رضوان سے ملاقات کے دوران محمد رضوان نے مجھ سے کہا کہ میری جان بھی پاکستان کے لیے چلی جائے تو پروا ہ نہیں ہے۔