کینبرا:خواب نے ایک شخص کوحقیْت میں مالامال کر دیا۔

دنیا میں بہت کم لوگ ایسے ہوتے ہیں جن کے خواب سچ ثابت ہوتے ہیں جبکہ کچھ لوگ تو اس نہج پر پہنچے ہوئے ہیں کہ جن کی کوئی شے بیداری میں کھو جاتی ہے وہ انہیں خواب میں نظر آتی ہے کہ وہ کہاں موجود ہے۔

اسی طرح کا ایک واقعہ اسٹریلیا میں پیش آیا جہاں ایک شخص نے خواب میں لاٹری کے نمبر دیکھے اور وہ حقیقت میں انعام جیت گیا۔

تفصیلات کے مطابق جنوبی آسٹریلیا کے شہر ایڈورڈسٹاؤن میں ایک شخص نے خواب میں لاٹری کے صحیح نمبردیکھے ، جسے استعمال کر کے وہ لاکھوں ڈالر کی لاٹری جیت گیا۔

لاٹری جیتنے والے شہری کا کہنا ہے کہ 3.4 ملین ڈالر کی اس لاٹری کے مطلوبہ نمبراسے خواب میں بتائے گئے جو حقیقت میں درست نمبر نکلے،

واضح رہے کہ یہ نمبر خواب میں صرف ایک بار نظرآئے ہیں وہ برسوں سے انہیں نمبروں کولاٹری میں  استعمال کر رہا ہے۔

اس شخص کا مزید کہنا تھا کہ جو خواب میں نے دیکھا تھا وہ بہت واضح تھا اور خواب ہی میں نے ان نمبروں کو استعمال کر کے لاٹری جیتی تھی اور حیرت کی بات یہ ہے کہ یہ نمبر مجھے بیداری میں بھی یاد رہے۔

اسٹریلیا سے تعلق رکھنے والے اس شخص نے خواب میں نظر آنے والے نمبروں کو اپنی لاٹری کے ٹکٹ پر استعمال کیا، اور فاتح قرار پایا، اس نے  33لاکھ83  ہزار ڈالرزجیتے۔