باغ جناح کا جلسہ سندھ کی سیاست میں ایک اہم موڑ ثابت ہوگا، آفاق احمد

امجد قائم خانی

24th Dec, 2021. 12:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

باغ جناح کا جلسہ سندھ کی سیاست میں ایک اہم موڑ ثابت ہوگا، آفاق احمد

چئیرمین مہاجر قومی موومنٹ آفاق احمد نے پریس کانفرنس سے خطاب کرتے ہوئے کہا ہے کہ باغ جناح کا جلسہ سندھ کی سیاست میں ایک اہم موڑ ثابت ہوگا۔

آفاق احمد نے جلسہ گا ہ کی تیاریوں کے حوالے سے بتاتے ہوئے کہا کہ ہم نے جائزہ لیا ہے مگر تیاریوں میں بہت سا رد و بدل کرنا باقی ہے ، اسٹیج ہمیں مزید پیچھے کی جانب کرنا ہے کیونکہ اس جلسے سے سیاست میں کافی ہلچل ہوگی۔

ان کا مزید کہنا تھا کہ اس جلسے کے بعد مہاجر اپنے اوپر فخر کریگا، اس جلسے میں بہت سے اہم اعلانات کرنے ہیں اوراپنا آئندہ کا لائحہ عمل بھی سب کے سامنے رکھنا ہے۔

اس جلسے کے بعد مہاجروں میں 1886 والا جذبہ بیدار ہوجائے گا ، جو لوگ مہاجر کے نام لیوا ہیں وہ اس جلسے میں ضرور شرکت کریں اور جو مہاجروں کے خلاف سازش کرتے رہے ہیں انکے خلاف بھی بات ہوگی۔

چئیرمین ایم کیو ایم نے کہا کہ میں نے تمام سیاسی جماعتوں کو جلسے میں آنے کی دعوت دی ہے ، اب ہم مہاجروں کو اتحاد کا مظاہرہ کرنا ہوگا ، سب مل کر اس جلسے کہ کامیاب بنائیں ،ان کا کہنا تھا کہ میں مہاجروں کے لئے بہت سے سرپرائزز ہونگے۔