آذربائیجان میں فوجی ہیلی کاپٹر گر کر تباہ، 14 افراد ہلاک

ویب ڈیسک

01st Dec, 2021. 04:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آذربائیجان میں فوجی ہیلی کاپٹر گر کر تباہ، 14 افراد ہلاک

خبر ایجنسی کے مطابق قفقاز ملک کے مشرق میں آذربائیجانی فوجی ہیلی کاپٹر گر کر تباہ ہوگیا، حادثے کے نتیجے میں چودہ افراد ہلاک ہو گئے ہیں۔

آذربائیجان کے پراسیکیوٹر جنرل نے کہا کہ تفتیش کاروں نے ایم آئی 17 ہیلی کاپٹر کے حادثے کی ممکنہ وجہ “بیرونی عوامل کو مسترد کر دیا”۔

انکا کہنا ہے کہ مختلف ورژن پر غور کیا جا رہا ہے، جس میں پائلٹ کی لاپرواہی، تکنیکی مسئلہ اور موسمیاتی حالات شامل ہیں، انہوں نے یہ بھی کہا کہ حادثے کی جگہ سے ایک بلیک باکس برآمد ہوئی ہے۔

اس سے پہلے ملک کی بارڈر سروس اور پراسیکیوٹر جنرل نے کہا تھا کہ آذربائیجان کی ریاستی سرحدی سروس سے تعلق رکھنے والا ایک فوجی ہیلی کاپٹر تربیتی پرواز کے دوران صبح کے وقت گاراخیبت کےعلاقے ایئر فیلڈ پر گر کر تباہ ہو گیا۔

واضح رہے کہ ہلاک ہونے والے تمام فوجی اہلکار تھے۔