ریلوے کمرشل ٹیم کے مختلف ٹرینوں پر اچانک چھاپے

محمد سدھیر چوہدری

07th Dec, 2021. 05:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ریلوے کمرشل ٹیم کے مختلف ٹرینوں پر اچانک چھاپے

ریلوے کمرشل ٹیم کی مختلف ٹرینوں پر اچانک چھاپہ مار کارروائی میں بغیر ٹکٹ سفر کرنے والے مسافر 47 دھر لیے گئے۔

ڈی ایس پاکستان ریلوے لاہور ڈویژن میاں طارق لطیف کی ہدایت پر ڈویژنل کمرشل آفیسر ایمن طاہر نے کمرشل انسپکٹر کے ہمراہ موسٰی پاک ایکسپریس، جعفر ایکسپریس اور خیبر میل ایکسپریس پر اچانک چھاپے مار کر 47 بغیر ٹکٹ مسافروں کو پکڑا اور ان سے کرایہ اور جرمانے کی مد میں 48 ہزار 5 سوموقع پر وصول کرکے قومی خزانے میں جمع کرا دیے۔

ڈیویژنل سپرنٹنڈنٹ ریلوے میاں طارق لطیف کا کہنا ہے کہ بغیر ٹکٹ سفر کرنے والے مسافروں کی ریلوے میں کوئی جگہ نہیں۔

ڈی ایس میاں طارق لطیف نے کامیاب ریڈ پر کمرشل ٹیم کو شاباش دی اور کہا کہ آئندہ بھی ایسے ہی چھاپے مارے جائیں تاکہ بغیر ٹکٹ سفر کرنے والوں کی حوصلہ شکنی ہو سکے۔

خیال رہے کہ پاکستان میں بنا ٹکٹ ریل کا سفر کرنے والوں کی تعداد روزانہ کی بنیاد پر ہزاروں میں ہے، جن کے باعث قومی خزانے کو لاکھوں کا نقصان اٹھانا پڑتا ہے۔

ریلوے حکام نے ایسے عناصر سے نمٹنے کے لیے کارروائیاں جاری رکھی ہوئی ہیں، جبکہ روزانہ کی بنیاد پر کئی افراد کو جرمانے کئے جاتے ہیں۔