کراچی پولیس کی گزشتہ ایک ہفتے کے دوران کامیاب کارروائیاں

ویب ڈیسک

19th Dec, 2021. 02:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی پولیس کی گزشتہ ایک ہفتے کے دوران کامیاب کارروائیاں

کراچی پولیس نے گزشتہ ایک ہفتے کے دوران 568 سے زائد ملزمان کو گرفتار کیا۔

تفصیلات کے مطابق ترجمان کراچی پولیس کا کہنا ہے کہ منشیات فروش ملزمان سے لاکھوں روپے مالیت کی منشیات برآمد ہوئیں جبکہ گرفتار اسٹریٹ کرمنلز سے 91 سے زائد غیر قانونی اسلحہ برآمد ہوا۔

ترجمان کراچی پولیس نے بتایا کہ شہر میں اسپیشل انویسٹیگیشن یونٹ کی کارروائیاں کی ہیں جس کے دوران گرفتار 11 ملزمان سے اسلحہ، منشیات اور موٹر سائیکلیں برآمد ہوئیں۔

ترجمان کا کہنا تھا کہ اے وی ایل سی کراچی نے کارروائی کے دوران موٹر سائیکل/ کارلفٹنگ میں ملوث 30 ملزمان گرفتار کرلیا، ملزمان سے چھینی و چوری شدہ 01 گاڑی اور 20 موٹر سائیکلیں برآمد ہوئیں۔ ایک ہفتے کے دوران مجموعی طور پر 77 موٹرسائیکلیں اور 01 گاڑی تحویل میں لی گئیں۔

ترجمان کراچی پولیس نے کہا کہ گرفتار ملزمان کے خلاف مقدمات درج کرلیا گیا ہے جبکہ تفتیش جاری ہے، گرفتار ملزمان کو تفتیشی حکام کے حوالے کر دیا گیا۔