سرگودھا:نیو ائیر نائٹ پر شراب اسمگلنگ کی بڑی کوشش ناکام

ویب ڈیسک

22nd Dec, 2021. 02:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرگودھا:نیو ائیر نائٹ پر شراب اسمگلنگ کی بڑی کوشش ناکام

سرگودھا میں نیو ائیر نائٹ پرفروخت کے لئے شراب اسمگلنگ کی بڑی کوشش ناکام بنا دی گئی ۔

تفصیلات کے مطابق سرگودھا کے بدنام زمانہ منشیات فروش وقاص کو تھانہ کینٹ پولیس نے حراست میں لے کر اس کے قبضے سے ایک ہزار سے زائد شراب کی بوتلیں برآمد کر لیں ۔

ڈی ایس پی سرگودھا ملک عثمان نے تفصیلات بتاتے ہوئے کہا کہ خفیہ اطلاعات پر کارروائی کرتے ہوئے ایس ایچ او کینٹ مجید جٹ اور اے ایس آئی فیاض گوندل نے ملزم کو گرفتار کر کے منشیات فروشی کی دفعات کے تحت مقدمہ درج کرلیا ہے ۔

ڈی ایس پی سٹی کا کہنا تھا کہ اس شراب کی قیمت لاکھوں میں ہے، ملزم نے یہ شراب نیوائیر نائٹ کے موقع پرملک کے مختلف حصوں میں سپلائی کرنا تھی، جس کو بروقت کارروائی کر کے ناکام بنا دیا گیا ۔

ڈی ایس پی سٹی کا کہا تھا کہ شراب کی وجہ سے ہر سال ہزاروں قیمتی جانیں ضائع ہوتی ہیں، اس لئے پولیس جرائم پیشہ عناصر کے خلاف مؤثر کارروائی کر رہی ہے۔