حافظ آباد:آئی جی پنجاب کی ہدایت پر کھلی کچہری کا انعقاد

ویب ڈیسک

18th Dec, 2021. 03:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حافظ آباد:آئی جی پنجاب کی ہدایت پر کھلی کچہری کا انعقاد

خواتین کے مسائل کو حل کرنے کے حوالے سے آئی جی پنجاب کی ہدایت پرحافظ آباد میں کھلی کچہری کا انعقاد کیا گیا۔

تفصیلات کے مطابق تھانہ کسوکی میں سائلین کی کھلی کچہری میں ڈی پی او بلال ظفر نے اسلامی تعلیمات و روایات کو برقرار کھا اور کچہری میں آئی ہوئی خواتین سائل سے کھڑے ہو کر ان کے مسائل سنے ۔

بلال ظفر کا کہنا تھا کہ عورت کے ساتھ نرمی عزت و احترام سے پیش آنا نا صرف ہماری ڈیوٹی کا حصہ ہے بلکہ ہمارا دین بھی اسی بات کا درس دیتا ہے۔

انہوں نے کہا کہ خواتین کے بغیر معاشرہ نامکمل اور ادھورا ہے، دین اسلام نے خواتین کو عزت و تکریم دینے کا حکم دے رکھا ہے، خواتین کے مسائل ترجیحی بنیادوں پر حل کرنا اصل روح اسلام ہے۔

ڈی پی اوحافظ آباد نے کہا کہ دن بدن ہم مغربی کلچر کو اپناتے ہوے اپنے دینی فرائض سے دور ہوتے چلے جا رہے ہیں، کسی دوسرے مسلمان بھائی سے ملتے وقت ہم کیا حال ہے جیسے الفاظ تو بول دیتے ہیں مگراسلام وعلیکم ورحمۃ اللہ وبرکاتہ نہیں کہتے۔

ان کا کہنا تھا کہ مثبت رویوں کی حوصلہ افزائی اور ان کو اختیار کر کے ہم معاشرتی فلاح و بہبود کے علاوہ اللہ تعالیٰ کی خوشنودی حاصل کر سکتے ہیں۔