برطانیہ سے تعلق رکھنے والی خاتون ٹینس پلئیر ایما ریڈیوکانو کو سال 2021 کے لئے بہترین اسپورٹس شخصیت کا خطاب دے دیا گیا۔

ایما نے اس سال اپنے کیرئیر کا پہلا گرینڈ سلم یو ایس اوپن ٹینس شپ جیت کر حاصل کیا تھا، 18 سالہ ایما ریڈیوکانو کی ٹینس کورٹ میں یہ واحد فتح ہے۔

انگلینڈ کے کسی کھلاڑی کو یہ اعزاز 44 سال کی طویل مدت کے بعد ملا ہے۔

ایما نے رواں سال جون میں ٹینس کی تاریخ کے سب سے قدیم اور مشہور ٹورنامنٹ ومبلڈن اوپن میں چوتھے راؤنڈ تک رسائی حاصل کی تھی۔

اس اعزاز کے لئے عوام کے ووٹ کا سہارا لیا گیا تھا ، جس میں سوئمر ٹام ڈیلے کو شکست دی تھی۔

اس ایوارڈ کے لئے انگلینڈ اور مانچسٹر یونائینڈ کے فارورڈ رحیم اسٹرلنگ ، باکسر ٹائسن فیوری ، اور انگلینڈ کے عظیم پیرا اولمپئین سارہ اسٹوری بھی اس ایوارڈ کی ووٹنگ کے لئے منتخت کئے گئے تھے۔

ایما ریڈیو کارنو کا تعلق انگلینڈ کے شہر بروملے سے ہے اور انہوں نے پروفیشنل ٹینس کا آغاز 2018 میں کیا تھا۔

ایما ریڈیوکارنو کے کوچ ٹوربن برٹز نے اس ایوارڈ کے اعلان کے بعد کہا کہ ایما ایک محنتی اور پرجوش کھلاڑی ہے اور اس میں سیکھنے کی لگن بہت زیادہ ہے۔

ایما نے ایوارڈ ملنے کے بعد میڈیا سے بات کرتے ہوئے کہا کہ میں اور برطانوی ٹینس کے لئے یہ ایک مسرت بھرا موقع ہے، انہوں نے ووٹ دینے والے شائقین ٹینس کا بھی شکریہ ادا کیا۔