آغا سراج درانی کہتے ہیں کہ صوبے کی خاطرمل بیٹھ کربات کریں گے۔ بات کرنے کے دروازے ہم نے کبھی بند نہیں کیے۔

کراچی میں احتساب عدالت کے باہر میڈیا سے غیر رسمی گفتگو کرتے ہوئے کہا کہ آغا سراج درانی نے کہا کہ بلدیاتی ترمیم بل کو ابھی تک صحیح سے نہیں دیکھا ہے۔ ہم نے بلدیاتی ترمیم کے بل پر اپوزیشن سے بات کی تھی۔ اپوزیشن بات نہیں کرنا چاہتی تو کیا کریں۔

انھوں نے کہا کہ ترمیم کی گنجائش رہتی ہے۔ بل میں ترمیم کے لیے اپوزیشن اورحکومت کوایک جگہ بٹھا سکتا ہوں۔ اگراپوزیشن سمجھتی ہے کہ بل میں مزید بہتری ہوسکتی ہے تو بات کرے۔

صحافی نے سوال کیا کہ سندھ میں الیکشن میں کون جیتے گا؟ جس کا جواب دیتے ہوئے اسپیکر سندھ اسمبلی آغا سراج درانی کہا کہ الیکشن ہوں گے تو کوئی نا کوئی تو جیتے گا۔

انھوں نے کہا کہ سندھ میں بلدیاتی الیکشن کا اعلان ہوگا تو پیپلز پارٹی بھرپورتیاری کرے گی۔ بلدیاتی الیکشن میں فتح پیپلز پارٹی کی ہوگی۔

اسپیکر سندھ اسمبلی آغا سراج درانی نے کے پی کے میں بلدیاتی انتخابات میں کامیابی پر جمعیت علمائے اسلام ف کو مبارکباد بھی دی۔

نیب کے گواہ عدالت میں پیش نہیں ہوئے

احتساب عدالت میں اسپیکرسندھ اسمبلی آغا سراج درانی و دیگرکے خلاف آمدن سے زائد اثاثے بنانے کے ریفرنس سے متعلق سماعت ہوئی۔ اسپیکرسندھ اسمبلی آغا سراج درانی و دیگر ملزمان احتساب عدالت میں پیش ہوئے۔ نیب کے گواہ اظہرعدالت میں پیش نہیں ہوئے۔

احتساب عدالت نے آئندہ سماعت پر نیب کے گواہ کو حاضری یقینی بنانے کی ہدایت کرتے ہوئے ریفرنس کی مزید سماعت 4 جنوری تک ملتوی کردی۔

آصف زرداری اوردیگرکیخلاف ٹھٹھہ واٹرسپلائی ریفرنس کی سماعت

دوسری جانب احتساب عدالت اسلام آباد میں سابق صدر آصف زرداری اور دیگر کیخلاف ٹھٹھہ واٹر سپلائی ریفرنس کی سماعت ہوئی۔ احتساب عدالت کے جج اعظم خان نے ریفرنس کی سماعت کی۔ نیب پراسیکیوٹر وسیم جاوید، فاروق نائیک عدالت کے روبرو پیش ہوئے۔

سابق صدر آصف زرداری کی جانب سے ایک روزہ عدالتی حاضری سے استثنی کی درخواست پیش کی گئی۔ آصف زرداری کی بریت کی درخواست پردلائل نہ ہو سکے۔

فاروق ایچ نائیک کا کہنا ہے کہ آئندہ سماعت پردرخواست پر دلائل دوں گا۔

احتساب عدالت نے بریت کی درخواست پردلائل کیلئے 18 جنوری کی تاریخ مقرر کرتے ہوئے آصف زرداری کی ایک روزہ حاضری سے استثنی کی درخواست منظورکی۔