وفاقی کابینہ نے نئی آٹو پالیسی کی منظوری  دے دی ہے، چھوٹی گاڑیوں پر ایڈیشنل کسٹمز ڈیوٹی ختم کرنے کی تجویز ہے۔

ذرائع کے مطابق نئی آٹو پالیسی کے تحت چھوٹی گاڑیوں پر ٹیکس چھوٹ کی تجویز ہے ،850 سی سی تک کی گاڑیوں پر ٹیکس چھوٹ کی تجویز ہے ۔

ذرائع کا کہنا ہے کہ مقامی طور پر تیار کردہ گاڑیوں پر ایکسائز ڈیوٹی ختم کرنے کی تجویز ہے جبکہ  چھوٹی گاڑیوں پر ود ہولڈنگ ٹیکس بھی ختم کرنے کی تجویز ہے۔

ذرائع کے مطابق ٹیکس چھوٹ کا اطلاق چھوٹی درآمدی گاڑیوں پر بھی کرنے کی تجویز ہے ،درآمدی گاڑیوں پر ٹیکس چھوٹ پر ہر سال نظر ثانی کی تجویز ہے ۔

ذرائع کا کہنا ہے کہ نئی آٹو پالیسی کے تحت گاڑیوں کا برآمدی ہدف مقرر کرنے کی تجویز ہے ،کار ساز کمپنیوں کو 2026 تک 10 فیصد برآمدات کا ہدف دینے کی تجویز ہے ۔

کار ساز کمپنیوں کیلئے آئندہ سال میں 2 فیصد گاڑیاں برآمد کرنے کا ہدف ، 2024 میں 4 فیصد گاڑیاں برآمد کرنے کا ہدف جبکہ کار ساز کمپنیوں کیلئے 2025 میں7فیصد گاڑیاں برآمد کرنے کا ہدف ہے۔

ذرائع کے مطابق گاڑیوں اور اسپیئر پارٹس کی برآمدات بڑھانے کیلئے اقدامات تجویز ہے ،گاڑیوں اور اسپیئر پارٹس کی برآمدات کے لیے ٹیکس مراعات کی تجویز ہے۔

ذرائع کا مزید کہنا ہے کہ وزارت تجارت کو بیرونی ممالک کے ساتھ مذاکرات کی ذمہ داری دینے کی تجویز ہے ۔