دشمن کو بلوچستان کا امن و ترقی سبوتاژ نہیں کرنے دینگے، شیخ رشید

ویب ڈیسک

24th Dec, 2021. 10:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دشمن کو بلوچستان کا امن و ترقی سبوتاژ نہیں کرنے دینگے، شیخ رشید

شیخ رشید احمد کا کہنا ہےکہ دشمن کی بلوچستان کی ترقی کو سبوتاژ کرنے کی ہر کوشش ناکام ہوگی۔

وزیر داخلہ شیخ رشید احمد نے بلوچستان کے علاقے کیچ میں دہشت گردوں کے سیکیورٹی فورسز کی چیک پوسٹ پر حملے کی شدید مذمت کی ہے۔

شیخ رشید احمد نے کہاکہ سیکیورٹی فورسز دہشت گرد عناصر کے مکمل خاتمے کے لئے تمام وسائل بروئے کارلارہی ہیں۔

انہوں نے حملے میں شہید ہونے والے لانس نائیک منظر عباس اور سپاہی عبدالفاتح کی شہادت پردکھ کا اظہار کیا اور دعا مغفرت بھی کی۔

واضح رہےکہ بلوچستان کے ضلع کیچ میں دہشت گردوں نے سیکیورٹی فورسز کی چیک پوسٹ پرحملہ کیا۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق فائرنگ کے تبادلے میں ضلع خوشاب کے رہائشی لانس نائیک منظر عباس اور خضدار کے رہائشی سپاہی عبدالفتاح شہید ہوگئے۔

یہ بھی پڑھیں: بلوچستان، دہشت گردوں کا سیکیورٹی فورسز کی چیک پوسٹ پرحملہ

آئی ایس پی آر کے مطابق سیکیورٹی فورسز کا علاقے میں سرچ آپریشن جاری ہے۔

ڈی جی آئی ایس پی آر کا کہنا ہےکہ سیکیورٹی فورسز ایسے دشمن عناصر کی کارروائیوں کو شکست دینے کے لیے پرعزم ہیں، جن کا مقصد بلوچستان کے امن، استحکام اور ترقی کو متاثر کرنا ہے۔