دنیا کے ہینڈسم ترین اور پرکشش “سانتا کلاز” کا لقب حاصل کرنے والے پال میسن نے روایتی بابائے کرسمس کے شریفانہ لبادے کو تبدیل کرتے ہوئے خود کو لاکھوں دلوں کی دھڑکن بنا لیا ہے۔

“فیشن سانتا” کے نام سے مشہور پال میسن نے 2014 میں کرسمس کے دوران فیشن کے ماہر سینٹ نکولس کے طور پر پہلی بار ڈیبیو کیا تھا، اور تب سے ہی وہ مداحوں کے کانوں کی لو گرما رہے ہیں۔

فیشن سانتا جہاں بھی جاتے ہیںِ وہاں ہمیشہ لوگوں کا ہجوم ہوتا ہے۔ جن میں زیادہ تعداد خواتین کی ہوتی ہے جو دنیا کے “ہینڈسم ترین سانتا” کے ساتھ سیلفی لینے کی ہم ممکن کوشش کرتی ہیں۔

پال کا اس حوالے سے کہنا ہے کہ اگر سوال ہو کیا مجھے اب بھی خواتین کی طرف سے بہت زیادہ توجہ ملتی ہے؟ تو جواب ہاں میں ہوگا۔ ایسا لگتا ہے کہ خواتین میری سب سے بڑی حمایتی ہیں۔

انہوں نے کہا کہ مجھے توجہ اور محبت پسند ہے۔ جب میں نے جسٹن بیبر کے ساتھ سیلفی لی تو چاہے مائیں ہوں یا بیٹیاں، سب میرے ساتھ سیلفی لینا چاہتی تھیں۔ مجھے وہ احساس پسند نہیں آیا۔

جب 57 سالہ پال پہلی بار سانتا کلاز کے طور پر سامنے آئے تو سوشل میڈیا ان کی تعریف سے بھر گیا۔

ایک صارف نے لکھا، “اگر سانتا واقعی ایسا دکھتا ہے، تو ماںیں اپنے بچوں سے کہیں کہ زیادہ سے زیادہ سانتا کو خط لکھیں۔”

جب پال سے پوچھا گیا کہ لوگ انہیں “سیکسی سانتا” کیوں کہتے ہیں، تو پال نے کہا، “مجھے کوئی اعتراض نہیں کہ لوگ مجھے یہ کہتے ہیں۔ مجھے یہ پسند ہے۔ اکثر اوقات جب کسی کو فیشن سانتا کو یاد نہیں رہتا تو وہ کہتے ہیں ‘اوہ یہ سیکسی سانتا ہے’۔”

خیال رہے کہ پال اب تک امریکہ میں تہوار کے اس سیزن میں انتہائی مصروف رہے ہیں۔

وہ اس سال امریکہ میں نیویارک اور واشنگٹن میں کئی ٹی وی پروگرامز میں مصروف ہیں، جس میں کیلی کلارکسن شو بھی شامل ہے۔

پال خیراتی کاموں میں بھی حصہ دیتے ہیں، حال ہی میں انہوں نے واشنگٹن میں جارج ٹاؤن لمبارڈی کومپری ہینسو کینسر سینٹر کے تمام عطیہ دہندگان اور رضاکاروں کے لیے ایک عشائیے کی میزبانی کی۔

2014 میں ٹورنٹو، کینیڈا کے یارکڈیل مال سے اپنے ڈیبیو کے بعد پال نے یقینی طور پر ایک طویل سفر طے کیا ہے۔

اس کا خیال انہیں ایک افسوسناک سانحے کے بعد پیدا ہوا جب ان کی والدہ کو کینسر کی تشخیص ہوئی اور ان کا انتقال ہوگیا۔

پال نے ایک سال کے لیے شیو کرنا چھوڑ دیا تھا اور اب وہ تھوڑے تھوڑے سانتا کلاز جیسا دکھائی دے رہے تھے۔ داڑھی کیونکہ پہلے ہی فیشن میں ہے توانہوں نے دونوں کا ملانے کا فیصلہ کیا۔

انہوں نے کہا، “میں اپنی پوری پیشہ ورانہ زندگی میں بطور ماڈل اشتہارات کرتا رہا ہوں اس لیے میں نے اس پتلے اور فٹ سانتا کو متبادل سانتا کے طور پر دیکھا۔

ان کا کہنا تھا کہ ” یہ سانتا خیراتی اقدامات کے بارے میں بیداری پیدا کرتا ہے۔ کھلونے بانٹنے کے بجائے یہ ایسی چیز ہے جو میرے لیے اور میری ماں کی میراث کے لیے بہت اہم ہے۔‘‘